ශ්රියානි විජේසිංහ
රජයේ රෝහල්වල වෛද්යවරුන් දින 10ක් පුරා තම වෘත්තීය අයිතීන් ලබා ගැනිම සඳහා පවත්වාගනෙ ගිය වෘත්තීය ක්රියාමාර්ගයන් තාවකාලිකය අත්හිටූවීමට තීරණය කළ බව රජයේ වෛද්ය නිලධාරීන්ගේ සංගමය සඳහන් කරයි.
මුලු රටක්ම ආපදාවකට ලක්ව සිටින අවස්ථාවකදී සංගමයක් ලෙස අවශ්ය වන්නේ ජනතාවට හැකි පමණ සෞඛ්ය සේවාවන් ලබා දීම , ඔවුන්ගේ ජිවිත වලට අවශ්ය සෞඛ්ය විසදුම් ලබා දීම ට කැප වීම බව ඊයේ (27) පැවති හදිසි විධායක සභා රැස්වීමේදී සියලුම වෛද්යවරුන් ඒකමතිකව තීරණය කළ බව සංගමයේ මාධ්ය ප්රකාශක වෛද්ය චමිල් විජේසිංහ මහතා සඳහන් කරයි.
දින 10ක් පුරා රෝහල් තුල වෘත්තීය සමිති ක්රියාමාර්ගයන් දියත් කලද කිසිදු රෝහලට හදිසි සහ අත්යවශ්ය සේවාවන් බලපෑමකට ලක් නොවූ බවත් මෙය ඉතිහාසය පුරාම පැවති වෘත්තීය ක්රියාමාර්ගයන් තුලදී ද එම සේවාවන් එසේම පවත්වාගෙන ගිය බවද හෙතෙම පෙන්වාදේ.
