එක්ස්ප්‍රස් පර්ල් නෞකාවේ ගිනිගැනීමෙන් පසුව වෙරළට ගොඩගසාගෙන ආ කැස්බෑවුන්ගේ මරණවලට හේතුව හුස්මගැනීමේ අපහසුතාව නිසා සිදුවූවක් බව වනජීවි දෙපාර්තමේන්තුවේ පශු වෛද්‍ය ඒකකය පවසයි.
දකුණෙන් වයඹ සහ උතුරු වෙරළට ගොඩගසා තිබූ කැස්බෑවුන්ගේ මළ සිරුරු පරීක්ෂා කිරීමේදී මේ බව හෙළිවී ඇත.
මුහුදේ මතුපිට ඇති තෙල් තට්ටුවක් නිසා නිසි ලෙස වාතය මුහුදු ජලය තුළට නොයාම නිසා වාතය නොලැබීමෙන් මෙම කැස්බෑ මරණ සිදුව ඇතැයි ඔවුහු පෙන්වා දුන්හ.
පසුගියදා එක්ස්ප්‍රස් පර්ල් නැවේ ගිනිගැනීම හා මුහුදුබත් වීම හේතුවෙන් එහි තිබූ ටොන් ගණනක තෙල් මෙලෙස ජලය මතුපිට රැඳී තිබීම මෙයට හේතුව බවට සැළකේ.
