ලබන සතියේ ආරම්භ වීමට නියමිත විස්සයි විස්ස ලෝක කුසලාන ක්රිකට් තරගාවලිය යටතේ ශ්රී ලංකාවේ පැවැත්වෙන තරග සඳහා සකස් කෙරෙන තණතීරු පිළිබඳව ජාත්යන්තර ක්රිකට් කවුන්සිලයේ (ICC) දැඩි අවධානය යොමුව තිබේ.
විශේෂයෙන්ම තරග පැවැත්වීමට නියමිත කොළඹ ආර්. ප්රේමදාස, එස්.එස්.සී. (SSC) සහ මහනුවර පල්ලෙකැලේ යන ක්රීඩාංගණවල තණතීරු සකසන්නන්ට විවිධ පාර්ශ්වයන්ගෙන් එල්ල වන බලපෑම් පිළිබඳව අයි.සී.සී.ය වෙත තොරතුරු වාර්තා වී ඇත.
එංගලන්ත නායකයාගේ විවේචනය
මෙම තත්ත්වය තවදුරටත් උණුසුම් කරමින්, ආර්. ප්රේමදාස ක්රීඩාංගණයේදී පැවැති දෙවැනි එක්දින තරගය ජයග්රහණය කිරීමෙන් අනතුරුව එංගලන්ත නායකය හැරි බෲක් කළ ප්රකාශය ද බොහෝ දෙනාගේ අවධානයට ලක් විය.
2026 ජනවාරි 24 වන දින එංගලන්තය දෙවන එක්දින තරගයෙන් කඩුලු 5 ක ජයග්රහණයක් ලබා ගැනීමෙන් පසු එංගලන්තයේ නායක හැරී බෲක් ආර්. ප්රේමදාස ක්රීඩාංගනයේ තණතීරුව විස්තර කළේ “මම කවදා හෝ ක්රීඩා කර ඇති නරකම තණතීරුව” මේ තණ තීරුව ලෙසය.
තණ තීරුවේ ස්වරූපය නිසා තම කණ්ඩායමට “හැකි ඉක්මනින් අනුවර්තනය වීමට” සහ නිදහසේ ක්රීඩා කිරීමට වඩා ආරක්ෂාව කෙරෙහි අවධානය යොමු කිරීමට සිදු වූ බව ඔහු සඳහන් කළේය. මෙම තරඟ ජයග්රාහී ලකුණු 75 ක් ලබා ගත් ප්රවීණ පිතිකරු ජෝ රූට්, එම හැඟීම ප්රතිරාවය කරමින්, එය “එක්දින ක්රිකට් සඳහා හොඳ කඩුල්ලක් නොවේ” යැයි පැවසීය.
මේ විවේචනය ඉතාම තදින් ජාත්යාන්තරයට ගොස් තිබිනි.
කෙසේ වෙතත් හැරී බෲක්ගේ සහ ජෝ රූට් ගේ විරෝධතාවයට ශ්රී ලංකා එක්දින නායක චරිත් අසලංකගෙන් සහ හිටපු ශ්රි ලංකා නායක ඈන්ජලෝ මැතිව්ස්ගෙන් ප්රතිචාර ලැබී තිබිණි. අසලංක ඇසුවේ කණ්ඩායම් දෙකම ලකුණු 440කට වඩා ලබා ගත් තරගයක තණ තීරුව දුර්වල එකක් විය නොහැකි බවය.
එංගන්තයේ හෝ ඔස්ට්රේලියාවේ වේග පන්දු යවන්නනට හිතකාමී තණ තීරු ක්රීඩා හිතකාමී ලෙස වර්ණනා කරන එංගලන්තය දකුණු ආසියාවේ දඟ පන්දු යවන්නට වඩාත් හිතකර තණ තීරු විවේචනය කිරීම අනුමත කළ නොහැකි දෙබිඩි පිළිවෙතක් බව මැතිව්ස් පැවසුවේය.
බාහිර බලපෑම් සහ අයි.සී.සී. අධීක්ෂණය
වාර්තා වන අන්දමට අයි.සී.සී අවධානය යොමු වී ඇත්තේ තණතීරු සකසන්නන්ගේ ස්වාධීන රාජකාරියට බාධා වන අයුරින් විවිධ පාර්ශ්වයන්ගෙන් පීඩනය එල්ල වී ඇති බවට තොරතුරු වාර්තා වීමෙන් පසුය. ඉන් වැඩි ප්රමාණයක් කණ්ඩායම් පුහුණුකරුවන් පාර්ශවයෙන් ලැබී ඇතැයි අයි.සී.සී ය නිරීක්ෂණය කර ඇතැයි අභ්යන්තර ආරංචි මාර්ග පවසයි.
සාමාන්යයෙන් අයි.සී.සී. තරගාවලියක තණතීරු සැකසීම සිදුකළ යුත්තේ අයි.සී.සී.ය මගින් පත් කරනු ලබන විශේෂඥයෙකුගේ (Pitch Expert) පූර්ණ අධීක්ෂණය යටතේය. කිසිදු කණ්ඩායමකට විශේෂ වාසියක් අත් නොවන පරිදි, දෙපාර්ශවයටම සාධාරණ වූ මධ්යස්ථ (Neutral) තණතීරු සකස් කිරීම අයි.සී.සී.යේ වගකීමකි.
එබැවින් ලෝක කුසලාන තරගාවලිය පුරා ශ්රී ලංකාවේ ක්රීඩාංගණ සම්බන්ධයෙන් ඉතා දැඩි විමසිල්ලෙන් පසුවන ලෙස අයි.සී.සී. නිලධාරීන්ට උපදෙස් ලැබී ඇතැයි වාර්තා වේ. පහත දැක්වෙන්නේ මේ වනවිට අන්තර්ජාලයේ සංසරණය වෙමින් ඇති කාර්ටුන් සිතුවමකි.
