විශ්ව සම්භාවනාවට පත් චෙක් – ප්‍රංශ ජාතික මහා ලේඛක මිලාන් කුන්දේරා අභාවප්‍රාප්ත විය. මෑත දශක කිහිපය තුළ යුරෝපීය සාහිත්‍යයේ විශාලතම නමක් වූ මිලාන් කුන්දේරා පැරිසියේදී (11) මිය යන විට 94 වැනි වියේ පසුවිය.
ඔහුගේ බිරිඳ උපුටා දක්වමින් අද (12) Brno හි Moravian රාජ්‍ය පුස්තකාලයේ ප්‍රකාශිකාවක් විසින් ඔහුගේ මරණය නිවේදනය කලේය. .
“Prix Médicis”, Order of Knights of the French Legion of Honor සහ Jerusalem Prize වැනි සම්මාන රාශියක් ඔහුට හිමි විය. කුන්දේරා 1984 දී ඔහුගේ The Unbearable Lightness of Being නවකතාවෙන් ලෝක කීර්තියට පත් විය.
කුන්දේරා උපත ලැබුවේ 1929 අප්‍රේල් 1 වන දින මොරාවියාවේ බර්නෝ හි ය. ඔහු උගත් පවුලකින් පැමිණි කෙනෙකි. ඔහුගේ පියා සංගීත විද්‍යාලයක ප්‍රධානියා වූ අතර ඔහුගේ මව ගුරුවරියකි. ඔහුගේ ඥාති සොහොයුරා වූ ලුඩ්වික් අධි යථාර්ථවාදී ලේඛකයෙකි. කුන්දේරා ඔහුගේ පරම්පරාවේ බොහෝ දෙනෙක් මෙන් වයස අවුරුදු 18 දී කොමියුනිස්ට් පක්ෂයට ඉතා උනන්දුවෙන් සම්බන්ධ විය.
පසුව ඔහු “ප්‍රාග් වසන්තයේ” සමාජවාදී ප්‍රජාතන්ත්‍රවාදී ව්‍යාපාරයේ ප්‍රමුඛ නියෝජිතයෙකු බවට පත් විය. 1968 අගෝස්තු මාසයේදී වෝර්සෝ ගිවිසුම රටවල් ආක්‍රමණය කිරීම “මනුෂික මුහුණුවරක් සහිත සමාජවාදය” පිළිබඳ සිහිනය අවසන් කළේය.
එකල වැදගත් රචනයක කුන්දේරා තර්ක කළේ මධ්‍යම යුරෝපය දෙවන ලෝක යුද්ධයෙන් පසු බටහිරින් “පැහැරගෙන” ඇති බවයි.
මිලාන් කුන්දේරා චෙකොස්ලොවැකියාවේ සෝවියට් ආක්‍රමණයේ දැඩි විවේචකයෙකු වූ අතර ඔහුගේ පොත් වසර ගණනාවක් එහි තහනම් විය.
ඔහුගේ හොඳම කෘතිය වූයේ 1984 දී ඔහුගේ The Unbearable Lightness of Being නවකතාවයි
KPM –
