මනම්පිටිය නිමල් ජයරත්න –
අද (7) අළුයම 04.45 ට පමණ, පොළොන්නරුව ගිරිතලේ – බකමූණ ප්රධාන මාර්ගයේ යාය 19 සෝමියෙල් ප්රදේශයේදී මාර්ගය හරහා ගමන් කරන කරමින් සිටි වන අලියෙකුගේ වෑන් රථයක් ගැටී සිදු වු අනතුරකින් පසු අලියා සිදුකළ පහරදීමෙන් එම වෑන් රථයේ රියැදුරු මියගොස් ඇති බව බකමූණ පොලිසිය කියයි.
මෙලෙස මියගොස් ඇත්තේ පොළොන්නරුව පළුගස්දමන අංක 103 සේවාගම, ලිපිනයේ පදිංචිව සිටි ඩබ්ලිව්.එස්.ඩී. දිනේෂ් සඳුරුවන් නැමැති 28 වියති තරණයකු බවද ඒ පිළිබඳ පරීක්ෂණ සිදුකරන බකමුණ පොලිසිය සඳහන් කරයි.
මාර්ගය හරහා මාරු වෙමින් සිටි වන අලියා වෑන් රථයකට එල්ල කළ ප්රහාරයෙන් එම වෑන් රථය යෝධ ඇළ දෙසට පෙරළී ඇති බවද පරීක්ෂණ සිදුකරන බකමූණ පොලිස් ස්ථානාධිපති උපුල් බොලුකඳුර අප කළ විමසීමකදී සඳහන් කළේය.
විනෝද චාරිකාවකට සහභාගි වූ පිරිසක් ඔවුන්ගේ නිවාස වෙත ගෙනගොස් ආපසු, ඔහුගේ නිවස වෙත යමින් සිටියදී මෙම අවාසනාවන්ත අනතුරට මුහුණ පා ඇති බව පොලිසිය කියයි.
මියගිය අයගේ මෘත ශරීරය බකමූණ ප්රාදේශීය රෝහලේ මෘත ශරීරගාරයේ තැන්පත් කර තිබෙන අතර සිද්ධිය පිළිබඳ බකමූණ පොලිස් ස්ථානාධිපති පොලිස් පරීක්ෂක උපුල් බොලුකඳුර ඇතුළු පොලිස් නිලධාරී කණ්ඩායමක් විසින් වැඩිදුර පරීක්ෂණ සිදුකරයි.
