මීට වසර 12කට පෙර වැසීයාමේ අවධානමට ලක්ව තිබූ තිස්සමහාරාම නැදිගම්විල කණිෂ්ට විද්යාලය 2020 වසර වෙනුවෙන් පැවති ජාතික ඵලදායිතා සම්මාන තරගාවලියේදී දිවයිනෙන්ම තුවන ස්ථානය හිමිකරගැනීමට සමත්වී තිබේ.
වර්ෂ 1964 දී කිරිදි ඔය අසබඩ පිහිටි ඓතිහාසික නැදිගම්විල රජමහා විහාරයේ ආරම්භ කරන්නට යෙදුණු නැදිගම්විල කණිෂ්ඨ විද්යාලය 2008 වර්ෂයේදී දකුණු පළාත් පාසැල් අතරින් වැසි යාමේ තර්ජනයට මුහුණ දුන් පාසලක් ලෙස නම් කර තිබුණි.
එලෙස වැසී යාමේ තර්ජනයට මුහුන දුන් මෙම පාසලට යළි පණ ලබාදෙමින් දිවයිනේ විශිෂ්ඨතම පාසලක් බවට පත් කිරීමට කටයුතු කර ඇත්තේ වත්මන් විදුහල්පති පී.එන්.එම්.කුමාරසිංහ විසිනි.
හම්බන්තොට දිස්ත්රික්කයේ පිහිටි දුෂ්කරම පාසලක් ලෙස පැවති නැදිගම්විල කණිෂ්ඨ විද්යාලය දිවයිනෙන්ම තෙවැන් ස්ථානයට පත් වුයේ වත්මන් විදුහල්පති තුමා හා ආචාර්ය මණ්ඩලයේ නිසි මග පෙන්වීම හා කැපවීම නිසාවෙන් බව ප්රදේශවාසීහු කීහ.
මෙම පාසල 2014 වර්ෂයේ සිට පිට පිටම පස් වතාවක්ම මෙම විද්යාලය ජාතික ඵලදායීතා තරගාවලියෙන් දකුණු පළාත් කුසලතා සම්මාන සහ විශිෂ්ඨ කුසලතා සම්මානද ජයග්රහණය කර තිබේ.
වර්ථමානය වන විට සිසු සිසුවියන් 290කු හා ගුරුවරුන් 20 දෙනෙකු සිටින මෙම පාසල වත්මන් විදුහල්පති පී.එන්.එම්.කුමාරසිංහ මහතාගේ නායකත්වය හා මග පෙන්වීම යටතේ පසුගිය වසර කිහිපය තුළ දකුණේ විශ්ෂ්ඨතම පාරිසරික පාසලට හිමි සම්මානය, දකුණේ හොදම සුවසර තක්සලාවට හිමි සම්මානය, දකුණු පළාත් අධ්යාපන අමාත්යංශ ප්රමිතිකරණ සම්මානය,දිස්ත්රික් ගෙවතු වගා හොදම පාසලට හිමි සම්මානය,හොදම සෞඛ්ය රන් කුසලානය, හොඳම ඩෙංගු රහිත පාසලට හිමි සම්මානය ඇතුළු සම්මාන රැසක්ම හිමි කරගැනීමට සමත්ව ඇති අතර, පසුගිය වසර දෙක තුළදී අ.පො.ස. සාමාන්ය පෙළ විභාගයෙන් ප්රථිලය සියයට සියයක්ම හිමි කරගනිමින් තිස්සමහාරාම අධ්යාපන කොට්ඨාසයෙන් තෙවැනි ස්ථානය හිමි කර ගැනීමටද මෙම පාසල සමත් වි තිබේ.
