ව්යාජ වීසා බලපත්රයක් හදා කාන්තාවක් විදේශ ගත කිරීමට උත්සාහ කළ ආගමන විගමන නිලධාරියෙක් ලබන මස 11 වැනිදා දක්වා රක්ෂිත බන්ධනාගාරගත කිරීමට මිගමුව මහේස්ත්රාත් අධිකරණය අද (28) සවස නියෝග කළේය.
වාර්තාවන පරිදි සිද්ධිය මෙසේය.
ව්යාජ ලෙස සකස් කරන ලද වීසා බලපත්රයක් සහිතව අද විදෙස් ගත වීමට තැත් කළ කාන්තාවක වැළැක්වූ ගුවන්තොටුපල ආගමන විගමන නිලධාරීන් සහ විදේශ සේවා නියුක්ති කාර්යාංශයේ නිලධාරීන් විසින් ඇය පිළිබඳව කටුනායක ගුවන්තතොටුපල අපරාධ පරීක්ෂණ දෙපාර්තමේන්තු ඒකකයට දැනුම් දුන්නේය.
ඉන් අනතුරුව ඇයව අත් අඩංගුවට ගෙන විමර්ශන ආරම්භ කළ අපරාධ පරික්ෂණ දෙපාර්තමේන්තුව හෙළි කරත්තේ මෙම කාන්තාවට ව්යාජ වීසා බලපත්රයක් සදා දී ඇයව ගුවන්තොටුපලටත් රැගෙන විත් ඇත්තේ ආගමන විගමන නිලධාරියෙක් බවය.
ඒ අනුව එම ආගමන විගමන නිලධාරියා ද පොලිස් අත් අඩංගුවට පත් විය.
අනතුරුව මෙම කාන්තාව සහ ආගමන විගමන නිලධාරියා මීගමුව අධිකරණයට ඉදිරිපත් කිරීමට විමර්ශන අංශ කටයුතු කළේය.
එහිදී සැකකාර කාන්තාව ඇප මත නිදහස් කළ මීගමුව මහේස්ත්රාත්වරයා සැකකාර ආගමන විගමන නිලධාරියා ලබන 11 දක්වා රක්ෂිත බන්ධනාගාරගත කළේය.
පොලිසිය වැඩිදුර විමර්ශන පවත්වයි.
