ශ්රියානි විජේසිංහ –
රිජ්වේ ආර්යා ආර්යා ළමා රෝහල තුළ දරුවන්ගේ වකුගඩු ක්රියාකාරිත්වය මැන බලන යන්ත්රය සඳහා භාවිත කරන ප්රතික්රීයක සහ අදාළ ඖෂධ මාසයක පමණ කාලයක සිට නොමැති වීම හේතුවෙන් D T T A සහ D M S A නැමැති වකුගඩු පරික්ෂණ කර ගැනීමට සිටින දරුවන් මහත් අසීරුතාවකට පත්ව ඇතැයි රජයේ විකරණ විද්යා තාක්ෂණ නිලධාරීන්ගේ සංගමය සදහන් කරයි.
දරුවන්ට ඇතිවන මුත්රා ආසදනයන් හේතුවෙන් වකුගඩුවල ක්රියාකාරිත්වය මැනබැලිය යුතු අතර එසේ එම පරික්ෂණයන් නිසිවේලාවට නොකිරීමෙන් දරුවන්ට බරපතල තත්ත්වයන් ඇතිවිය හැකි බව සංගමයේ සභාපති චානක ධර්මවික්රම පෙන්වාදේ.
දරුවන්ගේ වකුගඩු පරික්ෂාවන් සිදුකිරීමට මෙම යන්ත්රය ඇත්තේ රිජ්වේ ආර්යා ළමා රෝහලේ පමණක් බැවින් දිවයිනේ සියලුම රෝහල්වලින් වකුගඩු පරික්ෂාව සදහා දරුවන් යොමු කරනූයේ මෙම රෝහලට පමණක් යැයිද හෙතෙම පැවසුවේය.
මෙම පරක්ෂණය සදහා දිනකට දරුවන් 10 – 15 ක් පමණ යොමුවෙන බවත් මෙය පෞද්ගලික අංශයෙන් සිදුකරන්නේ නම් එ සදහා රුපියල් 30000 – 40 000කපමණ මුදලක් වැය වන බවත් පැවසේ.
