ලෝකයේ හොඳම මැතිවරණ කොමිෂන් සභාව ලෙස ශ්රී ලංකා මැතිවරණ කොමිෂන් සභාව සම්මානයට පාත්ර වී ඇති බව අගමැතිනී හරිනී අමරසූරිය අද පාර්ලිමේන්තුවේ දී ප්රකාශ කළාය.
එම සම්මානය ඇගයීමට ලක් කරමින් ඇය කීවේ මෙම සුවිශේෂී ජයග්රහණය වෙනුවෙන් ශ්රී ලංකා මැතිවරණ කොමිෂන් සභාවට සහ එහි සියලුම පාර්ශවකරුවන්ට රජයේ හා ජනතාවගේ ප්රශංසාව හිමිකරන බවය.
පාර්ලිමේන්තු අධ්යයනය සඳහා වූ අන්තර්ජාතික ආයතනය අයිසීපීඑස් සහ බොස්වානා ජාත්යාන්තර මැතිවරණ කොමිෂන් සභාව එක්ව සංවිධානය කරන ලද 21 වැනි සම්මන්ත්රණයේ දී ලෝකයේ සියලුම මැතිවරණ කළමනාකරණ ආයතන අතරින් යහපත් පුරවැසියන්ගෙන් යුත් ප්රජාවක් නිර්මාණය කරගැනීම, මැතිවරණ ක්ෂේත්රයේ භාවිතාවන් නිවැරදිව හඳුනා ගැනීම, සාක්ෂි මත පදනම් වූ පර්යේෂණ හා ප්රතිපත්ති එළි දැක්වීම යන කරුණු මූලිකව පදනම් කරගත් විශේෂ සමීක්ෂණයක ප්රතිඵල මත ලෝකයේ හොඳම මැතිවරණ කොමිෂන් සභාව ලෙස සම්මානයට පාත්ර වී තිබිණි.
