කීර්ති ප්රනාන්දු –
දේශපාලන බලපෑම් හේතුවෙන් මාස 07 පමණ කාලයක පටන් විදුහල්පතිවරයෙකු පත්කර ගත නොහැකිව දැඩි අර්බුදකාරී තත්ත්වයකට පත්ව තිබූ වේවැල් දෙනිය මහා විද්යාලයට නව විදුහල්පතිනියක් පත් කිරීමට මිනුවන්ගොඩ කලාප අධ්යාපන අධ්යක්ෂක වජිර රණරාජා පියවර ගෙන තිබේ.
ඒ අනුව නව විදුහල්පතිනිය ලෙස විදුහල්පති ශ්රේණිධාරී අනූෂා දිල්රුක්ෂි ඊයේ (20) පෙරවරුවේ පාසලේ වැඩ භාර ගනු ලැබීය.
විදුහල්පති කෙනෙකු පත්වනතුරු වැඩ බලන්න දුන් දේශපාලන හෙන්චයියාට විදුහල්පතිකම දෙන්නලු..ගම්පහ පොහොට්ටු බලවතියක් සහ බලවතකු තුට්ටුදෙකේ ගේමක, සිරස්තලය යටතේ ලංකාසර අප කළ වාර්තාව මල්ඵල ගන්වමින් මිනුවන්ගොඩ කලාප අධ්යාපන අධ්යක්ෂක වජිර රණරාජා විසින් පාසලට ශ්රේණිධාරී නව විදුහල්පතිනියක් ලබාදීම පිළිබඳව සිසු දරු දැරියන් මෙන්ම ඔවුන්ගේ දෙමාපියන් සහ ගම්වාසීන් ලංකාසරට සහ කලාප අධ්යාපන අධ්යක්ෂකවරයාට ස්තූතිය පළ කරන බවද පැවසීය.
නව විදුහල්පතිනිය පාසලේ වැඩ භාර ගැනීම සඳහා පැමිණි අවස්ථාවේදී දේශපාලන බලවතුන් දෙදෙනෙකුගේ ආධාරකරුවන් පිරිසක් පාසලේ ප්රධාන ගේට්ටුව ඉදිරිපිට නොසන්සුන්කාරී ලෙස හැසිරීම හේතුවෙන් පාසල ඉදිරිපිට පොලිස් නිලධාරීන් යොදවා ආරක්ෂාව තර කර තිබිණ .
එසේම විද්යාලයේ විදුහල්පතිව සිට ස්ථාන මාරුවීම් ලබා ගිය පැලවත්තේ ධම්මවංශ හිමියන් සහ මිල්ලව බෝධිරාජාරාමාධිපති කහවනුගොඩ විමලධම්ම හිමියන්ද පාසලට වැඩම කර පාසල ඉදිරිපිට නොසන්සුන්කාරී ලෙස හැසුරුණු දේශපාලන ආධාරකරුවන් පිරිස හට කරුණු අවබෝධ කර දීමෙන් පසු පිරිස විසුරුවා හැරීමට පියවර ගත්හ .
මෙම විද්යාලයේ විදුහල්පතිව සිටි ස්වාමීන් වහන්සේ පසුගිය වසර අගෝස්තු මාසයේදී ස්ථාන මාරුවීමක් ලබා යාමෙන් පසු නව විදුහල්පතිවරයකු පත් කරනතුරු විද්යාලයේ වැඩ ආවරණය කිරීම සඳහා තාවකාලිකව පත්කර සිටි එම විද්යාලයේම ගුරු මහත්මෙකු ව විදුහල්පති කරන ලෙසට මෙම දේශපාලන බලවතුන් සහ ඔවුන්ගේ ආධාරකරුවන් අධ්යාපන නිලධාරීන් හට බලපෑම් සිදු කරමින් තිබූ අතර මීට මාස කීපයට පෙර පත්කර එවූ ශ්රේණිධාරී විදුහල්පතිතුමියට ද දේශපාලන බලපෑම් හේතුවෙන් ආපසු හැරී යාමට සිදුව තිබිණ.
නව විදුහල්පතිනිය පත්කිරීමට විරෝධය දක්වමින් නොසන්සුන්කාරී ලෙස හැසිරුණු අවස්ථාව සහ ඔවුන් පාලනය කිරීමට පොලිස් නිලධාරීන් යොදවා සිටි අයුරු
