සුමිත් පොතුපිටිය
පානදුර වලාන ගාලුපාරේ හෝටලයක පසුගියදා (01) රාත්රි ආහාර පාන ලබාගෙන එහිදී ඇතිවූ ආරවුලක් හේතුවෙන් ලද පැමිණිල්ලක් මත චෝදනා එල්ලවී සිටී ජනප්රිය ගායක සමන් ද සිල්වා අගතියට පත් පාර්ශවය වෙනුවෙන් රුපියල් 25,000 ක මුදලක් ලබාදී සිද්ධිය සමතයකට පත්කර ගැනිමට අද (03) එකගවූ බව පානදුර දකුණ පොලිසිය පවසයි .
පැමිණිලි පාර්ශවය මුදල් ලබාගැනීමෙන් පසු පැමිණිල්ල තවදුරටත් විභාග කිරීමට අවශ්ය නොවන බව දැනුම් දී ඉල්ලා අස්කර ගැනීමෙන් අනතුරුව දෙපාර්ශවයට අවවාද කර පිටත්කර යැවූ බවද උසස් පොලිස් නිළධාරීයෙක් කීය.
ජනප්රිය ගායක සමන් ද සිල්වා ඉකුත් 01 දා රාත්රි මිතුරන් පිරිසක් සමග පානදුර වලාන ප්රදේශයේ අවන්හලකට ගොස් පරාටා, කොත්තු සහ කුකුළු මස් මිළදී ගෙන ආහාරයට ගෙන ඇත. ඉන් පසු බිල්පත නිරවුල් කිරීමේදී ඇතිවූ කතාබහකින් පසු එහි මුදල් අයකැමි වරයාට සහ වේටර් වරයෙකුට පහරදී ප්ලාස්ටික් පුටු දෙකකට හානිකර ඇති බවට පැමිණිල්ලේ සදහන් බව පොලිසිය කීය.
සිද්ධිය සම්බන්දයෙන් අදහස් දැක්වූ සමන් ද සිල්වා සදහන් කලේ. එය මාධ්ය මගින් ප්රචාරය කල පරිදි සිදුවීමක් නොවන බවත් රුපියල් 25,000 ක් ලබාදී දෙපාර්ශවය සමතයකට පත්වූ බවත්ය.
ජේෂ්ඨ පොලිස් අධිකාරී සමන්ත වෙදගේ සහ සහකාර පොලිස් අධිකාරී නිශාන්ත සේනාරත්න උපදෙස් පරිදි මූලස්ථාන පොලිස් පරීක්ෂක උපුල් ප්රියංකර නාවුල්ල ගේ ප්රධානත්වයෙන් පරීක්ෂණ සිදුකරන ලදී.
