පාර්ලිමේන්තු මන්ත්රීවරුන්ගේ සහයෝගයක් සහිත අපේක්ෂකයින් 6 දෙනෙකුට තමන්ගේ ප්රතිපත්ති ප්රකාශ ඉදිරිපත් කිරිම සඳහා වු විවාදයක් සංවිධානය කර ඇති බව පැෆරල් සංවිධානයේ විධායක අධ්යක්ෂ රෝහණ හෙට්ටිආරච්චි අද (19) පැවසුවේය.
ජනාධිපති රනිල් වික්රමසිංහ, විපක්ෂ නායක සජිත් ප්රේමදාස, අනුර කුමාර දිසානායක, නාමල් රාජපක්ෂ, දිලිත් ජයවීර උතුරේ දෙමළ ජනතාව නියෝජනය කරමින් තරග කරන ආර්යේන්ද්රන් මෙම අපේක්ෂකයන් හය දෙනා බවත් ඉන් දෙදෙනෙක් දැනටමත් විවාදය සඳහා ආරාධනාව පිළිගෙන ඇති බවත් රෝහණ හෙට්ටිආරච්චි කීවේය.
ඔහු වැඩිදුරටත් මෙසේ ද පැවසුවේය.
ඉතිහාසයේ දෙවැනි අවස්ථාවට ජනාධිපතිවරණ අපේක්ෂකයන් තීරණාත්මකව යම් ඡන්ද ප්රමාණයක් ලබා ගත හැකි අපේක්ෂකයින් ඒක රාශී කරලා යම් විවාදයක් මේ වනවිට අප සැලසුම් කරලා තියනවා.
කොහොම උනත් යම් පාර්ලිමේන්තු මන්ත්රීවරුන් ගේ සහයෝගය සහිත අපේක්ෂකයින් හය දෙනෙකුට අපි ආරාධනා කරලා තියනවා. මේ මොහොතේ ජනාධිපති අපේක්ෂකයෙක් වූ ජනාධිපති රනිල් වික්රමසිංහ මහත්මයා, සජිත් ප්රේමදාස මහත්මයා, අනුර කුමාර දිසානායක මහත්මයා, දිලිත් ජයවීර මහත්මයා සහ නාමල් රාජපක්ෂ මහත්මයා කියන අපේක්ෂකයින්ටත්, උතුරේ දෙමළ ජනතාව නියෝජනය කරමින් තරගවදින ආර්යේන්ද්රන් කියන අපේක්ෂකයාටත් අපි ආරාධනා කරන්න සැලසුම් කරලා තියනවා.
මේ වනවිට ප්රධාන ධාරාවේ අපේක්ෂකයින් දෙදෙනෙක් මෙම විවාදය සඳහා කැමැත්ත පල කරලා තියනවා. මේ රටේ ජනතාවට එක මොහොතක, පැය දෙකක කාලයක් ඇතුළේ මේ රටේ ඉදිරි ජනාධිපතිවරණය සඳහා ඉදිරිපත්වන අපේක්ෂකයින්ගේ රට හදන වැඩපිළිවෙළ ගැන මුළු රටේම එක්කෝටි හැත්තෑ එක් ලක්ෂයකට ආමන්ත්රණය කරන්න අවශ්ය වැඩ පිළිවෙළ මේ හරහා අප ලබලා දීලා තියනවා.”
රෝහණ හෙට්ටිආරච්චි පැවසුවේය.
