-
ඉන්දියාවෙ බිලිට්ස් ඉන්දියා පුවත්පතේ එක්සත් රාජධානි සංස්කරණයේ සඳහන් තොරතුරු අනුව හිටපු ජනාධිපතිවරයා සහභාගී වුනේ රාජ්ය තාන්ත්රික ගමනක් තමයි…. ජී.එල් කියයි…
හිටපු ජනාධිපති රනිල් වික්රමසිංහ අත් අඩංගුවට ගැනීමට කිසිම අවශ්යතාවයක් නීතියෙන් මතු නොවන බවත්, මේ අත් අඩංගුවට ගැනීම කිසිසේත්ම යුක්තිය පසිඳලීමට, දූෂණය සමාජයෙන් තුරන් කිරීමට හෝ පරිදි විමර්ශන පැවැත්වීමට යන එකම අරමුණකවට හෝ සම්බන්ධ නැති බවත් හිටපු අමාත්ය මහාචාර්ය ජී.එල්. පීරිස් ප්රකාශ කළේය.
ඒ අද දින පැවැත්වුන “ව්යවස්ථාපිත ඒකාධිපතිවාදය පරදවමු” මාධ්ය හමුවේ දී සිය අදහස් දක්වමිනි. රනිල් වික්රමසිංහ හිටපු ජනාධිපතිවරයා අත් අඩංගුවට ගැනීමට එරෙහිව විපක්ෂයේ සියලුම දේශපාලන පක්ෂ නායකයින් එක් වී අද (24) එම මාධ්ය හමුව සංවිධානය කර තිබිනි.
එහිදී අදහස් දැක්වූ මහාචාර්යවරයා මේ අත් අඩංගුවට ගැනීමෙන් බලාපොරොතුත්තු වෙන්නේ කුමක් ද යන්න සක් සුදක් සේ පැහැදිලි බවත් ඇස් පනාපිටම පෙනී යන්නේ රජයට එරෙහි යම් කිසි මතයක් ප්රකාශ කරනු ලබන පුද්ගලයින් බිය ගන්වා නිශ්ශබ්ද කිරීමේ වැඩපිළිවෙළක් බවත් අවධාරණය කළේය. .
අල්ලස් හෝ දූෂණ විමර්ශනයක් සඳහා රටේ ප්රමාණවත් නීතියක් තිබෙනවා. අපි කොන්දේසි විරහිතව ඊට සහයෝගය දක්වනවා. දූෂණය අපේ දේශපාලන දේහය විනාශ කරලා තිබෙන්නේ. නමුත් එය විසඳීම මේ රටේ අධිකරණයට අයත් කටයුත්තක්. සාක්ෂි තියනවා නම් එය අධිකරණයට ඉදිරිපත් කළ යුතුයි.
රනිල් වික්රමසිංහ අපේ රටේ නීතිය අනුව අධිකරණයක් ඉදිරියේ කිසිම ආකාරයක වරදකරුවෙක් වෙලා නෑ. ඔහුට ඔහුගේ නිවැරදිභාවය ඔප්පු කරන්න රටේ ව්යවස්ථාපිත නීතිය යටතේ අයිතියක් තියනවා. ඔහුව අත් අඩංගුවට ගැනීමට තිබූ අවශ්යතාවය කුමක් ද?.
යමෙක් අත් අඩංගුවට ගන්නේ ඇයි. යහපත් විමර්ශන කටයුත්තක් වෙනුවෙන් තමයි පුද්ගලයෙක් අත් අඩංගුවට ගන්නේ. කිසිවෙක් විමර්ශන කටයුතුවලට බාධා කළේ නෑ. පොලිසිය විමර්ශන කටයුතු පවත්වාගෙන ගියා. විමර්ශනය අවසානයේ දී ඔවුන් ඒ පිළිබඳ සෑහීමකට පත් වුනා. පොලිසියට පූර්ණ බලය තිබුණා එය මහේස්ත්රාත් අධිකරණයට රැගෙන යන්න.
මේ කිසිදු ක්රියාමාර්ගයක් සඳහා හේතුවක් අත්අඩංගුවට ගැනීම අවශ්ය වන්නේ නෑ. විමර්ශනයට භාජනය වන පුද්ගලයා අත්අඩංගුවට ගන්න ඕන නෑ. නඩු විභාගයෙන් පලා යන්න රනිල් වික්රමසිංහ මහතාට කිසිදු අපේක්ෂාවක් නෑ.
ඔහු ශ්රී ලංකාවේ හිටපු ජනාධිපති. ඒ වගේම ඔහු රටේ දේශපාලන ජීවිතයේ ක්රියාකාරීකයෙක්. යුක්තිය පසිඳලීමේ අරමුණින් මග හැර ඔහුට විදේශගත විය හැකි බව කිසිවෙකු විශ්වාස කරන්නේ නෑ. මේක විකාරයක්. මොකද ඔහු මේ රට තුළ ක්රියාකාරීයි. ඔහු අධිකරණයට ඉදිරිපත් වී තිබෙනවා. අවශ්ය ඕනෑම අවස්ථාවක අධිකරණයට අවශ්ය නම් අධිකරණයේ භාරයට ගත හැකියි.
පැමිණිල්ල අධිකරණයේදී පැහැදිලි කළේ, සාක්ෂිකරුවන් තිස් තුන් දෙනෙකු ගෙන් ප්රකාශ අරන් ඒ සියල්ල වාර්තා කර ඇති බවයි. එම සාක්ෂි එකතු කිරීමේ ක්රියාවලියේ දී රනිල් වික්රමසිංහ මහතා කිසිම සාක්ෂිකරුවෙකුට බලපෑම් කර නෑ.
වොල්වෝර්හැම්ප්ටන් විශ්වවිද්යාලයේ පැවතිච්ච උත්සව පිළිබඳ යම් කිසි අපැහැදිලි තත්ත්වයක් තියනවා. මෙතන තියනවා සිද්ධි දෙකක්. එකක් තමයි දිවා භෝජන සංග්රහය. දිවා භෝජන සංග්රහය පැවැත්වුවේ වොල්වො හැම්ප්ටන් විශ්වවිද්යාලයේ කුලපති ධූරය අවුරුදු විසි පහක් අඛන්ඩව හෙබෙව්ව සොරාජ් පෝල් ස්වාමිවරයාට ගෞරව දැක්වීමට. ඔහු එක්සත් රාජධානියේ ආයතනික අංශයේ ඉතාම ඉහළ චරිතයක්.
මෙතන සිදුවීම් දෙකක් තිබෙනවා. මේ සිදුවීම පිළිබඳ වාර්තාවක් 2023 ඔක්තෝබර් 15 වන දින බ්ලිට්ස් ඉන්දියා එක්සත් රාජධානියේ සංස්කරණයේ ප්රකාශයට පත් කර තියනවා. මේකේ ඉතාම පැහැදිලිව සඳහන් වෙනවා දිවා භෝජන සංග්රහයට සහභාගී වුනේ රනිල් වික්රමසිංහ ජනාධිපති තුමා… සොරාජ් පෝල් ස්වාමිවරයා සහ රනිල් වික්රමසිංහ ජනාධිපතිවරයා එකට වාඩිවෙලා දේශන පැවැත්තුවා. ඉන් අනතුරුව තමයි උපාධි ප්රධානෝත්සවය පැවැත්වුනේ. එතුමියට සම්මානිත මහාචාර්ය තනතුරක් එම විශ්වවිද්යාලයෙන් පිරිනමා තිබුණා.
මේ ඉන්දියාවේ පුවත්පතෙන් පැහැදිලිව පෙන්වා තිබෙනවා නිල වශයෙන් තමයි රනිල් වික්රමසිංහ ජනාධිපතිතුමා මේ අවස්ථාවට සහභාගී වුනේ කියලා. “
මහාචාර්යවරයා පෙන්වා දුන්නේ ජනාධිපතිවරයාට ආරක්ෂාව සඳහා අයිතියක් ඇති බවත්, ඔහු කොතැනක සිටියත් ඔහුව ආරක්ෂා කිරීමට ආරක්ෂකයින් බැඳී සිටින බැවින් ඔවුන් සියලු දෙනාගේම වියදම් ගණනය කරමින් මේ ආකාරයෙන් පොදු දේපල පනත යටතේ නඩු පැවරීම සපුරා වැරදි බවත් මහාචාර්යවරයා පෙන්වා දුන්නේය.
