ලබන 21 වැනිදා අමාත්ය ප්රසන්න රණතුංග විසින් ජනාධිපති රනිල් වික්රමසිංහට සහාය පළකරමින් ගම්පහ කඩවත පැවැත්වීමට නියමිත රැලියට අභ්යන්තරයෙන් මතුවන විරෝධයත් සමග එම රැළිය වර්ජනය කිරීමට ගම්පහ පොහොට්ටු ප්රබලයන් තීරණය කොට ඇතැයි වාර්තා වේ.
එම රැස්වීමට සහභාගී නොවන බව රාජ්ය අමාත්යවරුන් වන ඉන්දික අනුරුද්ධ සහ ප්රසන්න රණවීර දැනටමත් ප්රසන්න රණතුංග වෙත දැනුම් දී ඇති බව පැවසේ.
එමෙන්ම ගම්පහ පොහොට්ටුවේ ආසන සංවිධායකවරුන්ද එම රැස්වීමට සහභාගී නොවන බව අමාත්යවරයා වෙත දැනුම් දී ඇති බව පොහොට්ටුවේ අභ්යන්තර ආරංචි මාර්ග පවසයි.
මේ සම්බන්ධයෙන් පසුගිය දිනෙක ප්රසන්න රණතුංග අමාත්යවරයා බියගම පොහොට්ටු සංවිධායකවරයා වෙත කතා කොට ඇති අතර හෙතෙම එම ආරාධනාව ප්රතික්ෂේපකොට ඇත.
මෙහිදී දෙදෙනා අතර උණුසුම් සංවාදයක්ද සිදුව ඇති බව වාර්තා වේ.
එම උණුසුම් සංවාදය බියගම සංවිධායකවරයා විසින් පටිගත කොට පක්ෂයේ ප්රධානීන් වෙත ලබා දීමට පියවර ගෙන ඇති බවද දැනගන්නට තිබේ.
මීට අමතරව ගම්පහ පොහොට්ටුවේ හිටපු පළාත් පාලන ආයතන නියෝජිතයන් 19 දෙනකු සිටින අතර ඉන් 15 දෙනකුම මෙම රැස්වීම වර්ජනය කිරීමට තීරණයෙ කොට ඇති බවද වාර්තා වේ.
