විදේශ සංචිත හිග වීම හේතුවෙන් දරුණු අර්බුදයක ගිලි සිටින ශ්රි ලංකාවට පසුගිය ජනවරි මාසය තුළ නව බලාපොරොත්තු ගෙන්වීමට සංචාරක ව්යාපාරය සහ විදේශගත ශ්රමිකයන් සමත්ව ඇති බව ක්ෂේත්රෙය් දත්ත තහවුරු කරයි. පසුගිය ජනවාරි මාසයේ සංචාරකයන් ලක්ෂයකට වඩා මෙරටට පැමිණ ඇති අතර ඔවුන් මෙරටට ඇමෙරිකානු ඩොලර් මිලියන 161.8ක් උපයා දීමට හැකියාව ලැබී තිබේ. විදේශගත ශ්රමිකයන් විසින් මෙරටට පසුගිය ජනවාරි මාසයේදී ඇමෙරිකානු ඩොලර් මිලියන 437.5ක් ලැබී ඇති අතර එය පෙර වසරේ ජනවාරි මාසය සමඟ සසඳන කල සියයට 68.8ක වර්ධනයකි
මේ වනවිට ලෝකයේ ප්රධාන පෙළේ සංචාරක වෙබ් අඩවි ප්රකාශනවල ශ්රි ලංකාව යනු අනිවාර්යයෙන් සංචාරය කළ යුතු රටක් බවට සටහන් කර තිබීමත් රට තුළ සාපෙක්ෂව සාමකාමී සංසුන් වාතාවරණයක් පැවතීමත් මත බොහෝ සංචාරයන් ශ්රි ලංකාව සිය ගමනාන්තය ලෙස කෝරා ගනු ඇතැයි අපේක්ෂා කළ හැකි බව ක්ෂේත්රයේ ආරංචි මාර්ග සඳහන් කරයි. එමෙන්ම චීනයේ කොවිඩ් නීති දීර්ඝ කාලයකට පසුව ලිහිල් කිරීමත් සමඟ එරට සංචාරකයන් ලෝකය පුරා සංචාරය කිරීම් ප්රවණතාවෙහි වාසිද ශ්රි ලංකාවට ලැබෙනු ඇතිය සංචාරක ක්ෂේත්රයේ ආරංචි මාර්ග විශ්වාසය පළ කරයි. එවැනි ත්තවයක් බාධාවකින් තොරව පැවතුණහොත් පෙබරවාරි මාසයේ ඩොලර් මිලියන 2 ඉක්මවනු ඇති බවද ඔවුහු විශ්වාසය පළ කරති.
විදේශ ගත ශ්රමිකයන් විසින් එවන ලද මුදල 2020 වසරේදී ඩොලර් බිලියන 750 ඉක්මවා තිබුණද පසුගිය කාලය තුළ මෙරට මූල්ය වෙළෙඳපොල තුළ ක්රියාත්මක කෙරුණු තත්ත්වයන් හේතුවෙන් විදේශ ශ්රමිකයන් නිල මාර්ගවලින් එවන මුදල දැවැන්ත ලෙස පහළ වැටිණි. ඒ අනුව පසුගිය 2022 වසරේ ජනවාරි මාසය වනවිට එම මුදල ඩොර් මිලියන 260කට ආසන්න ප්රමාණයක් දක්වා පහළ වැටුණු අතර පසුගිය මාස කිහිපය පුරා එය යලිත් වර්ධනය විය. 2022 වසර තුළ වාර්තාගත ලෙස පුද්ගලයන් ලක්ෂ තුනක් ඉක්මවා විදේශවලට සංක්රමණය වී ඇති අතර ඔවුන්ගේ ප්රේෂණද මෙම තත්ත්වය නිර්මාණය කිරීමට හේතු වී ඇති බව විශේෂඥයින්ගේ අදහසයි.
