ශ්රියානි විජේසිංහ –
යන්ත්ර නඩත්තුව සඳහා අවශ්ය මූල්ය ප්රතිපාදන සෞඛ්ය අමාතයංශය මගින් වෙන් නොකිරීම හේතුවෙන් හම්බන්තොට , ගාල්ල , බදුල්ල, කුරුණෑගල, මාතර, හොරණ, කළුතර , පේරාදෙණිය, රත්නපුර රෝහල්වල හා කොළඹ ජාතික රෝහලේත් ස්කෑන් යන්ත්ර 12ක් බිදවැටීම හේතුවෙන් රෝගී සත්කාර සේවාවන් මුලුමනින්ම අඩපණව ඇතැයි විකිරණ විද්යා තාක්ෂණවේදීන්ගේ සංගමයේ සභාපති චානක ධර්මවික්රම සඳහන් කරයි.
මෙම රෝහල්වල රෝගීන් ස්කෑන් පරික්ෂාවන් කර ගැනීම සඳහා අධික මුදලක් වැයකර ආසන්න රෝහල්වෙත යැවීමට සිදුවුවද ඒ සඳහාද පොරොත්තු ලේඛණයේ රැඳී සිටිමට සිදුවීම නිසා ඇතැම් රෝගීන්ට පරික්ෂණවලට මුහුණ නොදීම ජීවිතයෙන් සමුගැනීමට සිදුවූ අවස්ථාවන් වාර්තා වී ඇතැයි හෙතෙම පැවසුවේය.
හදිසි අනතුරකට ලක්වන රෝගීන්ගේ මොළය අභ්යන්තරයේ රුධිරවහනයක් වන්නේද යන්න පිලිබඳව ඉතා ඉක්මනින් සොයා බැලීමට සඳහා ස්කෑන් පරික්ෂණ කළ යුතු වුවද ඒ සඳහා රෝහල්වල අවශ්ය පහසුකම් නොමැති වීම හේතුවෙන් රෝගීන් බරපතල තත්තවයට පත්ව ඇතැයි ද සංගමය කියයි.
පිළිකා රෝග තත්ත්වයන් හඳුනා ගැනීම , රුධිරනාලවල පවතින අවහිරතා හඳුනා ගැනීම, අස්ථි පද්ධතියේ ද්විමාන සහ ත්රිමාන රූප ලබා ගැනීම, පෙනහළු රෝග තත්ත්ව හඳුනා ගැනීම වැනි කාර්යයන් මෙම ස්කෑන් පරික්ෂාවෙන් කළ යුතුව තිබේ.
තවද MRI ස්කෑන් පරික්ෂණ යන්ත්ර 13ක් රජයේ රෝහල් සතුව පවතින නමුත් පේරාදෙණිය ළමා රෝහලේ සහ අනුරාධපුරු රෝහලේ MRI යන්ත්ර කැඩීයාම හේතුවෙන් රෝගීන් මහත් අසිරුවකට පත්ව ඇති බව ද සංගමය පෙන්වා දෙයි.
මෙම පරික්ෂණයන් පෞද්ගලික රෝහලකින් කර ගැනීම සඳහා රුපියල් 15000 – 750000 අකර මුදල් වැය වන බවද සංගමය කියයි.
අපේක්ෂා රෝහලේ ස්ථාපිත කර ඇති පෙට් ස්කෑන් යන්ත්රය පසුගිය මැයි මාසයේ සිට ඊට අදාල පරික්ෂණයන්ට භාවිත කරන ඖෂධය නොමැති වීම හේතුවෙන් පරික්ෂණ මුළුමනින්ම නතර වී ඇත. මේ මොහොතවන විට පිළිකා රෝගීන් අසරණ වී සිටින ආකාරය මහා ඛේදවාචකයක් බව ද විකිරණ විද්යා තාක්ෂණවේදීන්ගේ සංගමය කියයි.
