ලලිත් චාමින්ද –
මෙරට පළාත් පාලන ආයතන සඳහා පැවරි ඇති කාර්යයන් නිසි පරිදි ඉටුනොකර පළාත් සංවර්ධනය සඳහා ලබා දෙන අරමුදල්වලින් ආදායම් ඉපයිමේ පරමාර්ථ සහිතව එම පළාත් පාලන ආයතන 2024 වර්ෂය තුළදි රුපියල් මිලියන 35,926ක මුදලක්, එනම් දල වශයෙන් බිලියන 36ක මුදලක්, ස්ථාවර තැන්පතු හා වෙනත් තැන්පතුවල අයෝජනය කොට ඇති බැව් ජාතික විගණන කාර්යාලය පවසයි.
මහනගර සභා විසින් මිලියන 17,218ක්, නගරසභා විසින් මිලියන 3,417ක්, ප්රාදේශිය සභා විසින් මිලියන 15,291 ක මුදලක් ස්ථාවර තැන්පතු හා වෙනත් තැන්පතුවල අයෝජනය කොට තිබුණු බව ජාතික විගණන කාර්යාලය විසින් නිකුත් කර තිබූ වාර්තාවේ සඳහන් වී තිබේ.
පළාත් පාලන ආයතනවලට පැවරි ඇති මහජන සෞඛ්ය, පොදු උපයෝගි සේවා, පොදු මංමාවත්, පිළිබඳ කටයුතු සහ ජනතා සුභසාධන කටයුතු ඉටුකිරිම නිසි පරිදි සිදුනොකර මෙම මුදල් ස්ථාවර තැන්පතු හා වෙනත් තැන්පතුවල අයෝජනය කොට ඇති බවද විගණනය මගින් අනාවරණය කොට තිබුණි.
මෙරට පළාත් පාලන ආයතන බොහොමයක අයවැය හා පරිපුරක ඇස්තමේන්තු නිවැරදිව පිළියෙළ නොකිරිම නිසා ප්රතිපාදන ඉතිරිවන අතර එම මුදල් ආදායම් ඉපයිමේ අරමුණ ඇතිව ස්ථාවර තැන්පතු හා වෙනත් තැන්පතුවල අයෝජනය කොට ඇති බවද විගණන වාර්තාවේ සඳහන් වේ.
