2021 සිට 2022 දක්වා කාලය තුළ ශ්රි ලංකාවේ දුප්පත්කම දෙගුණ වී ඇති පසුබිමක් තුළ 2023 වසරේ අයවැයෙන් සමෘද්ධී ලාභීන් සඳහා වෙන් කළ යුතු මුදල වැඩි කළ යුතු වුවද හෙට ඉදිරිපත්වන අයවැයෙන්ද මේ සඳහා වෙන් කර ඇත්තේ පෙර පැවති රුපියල් බිලියන 66ක් පමණක් බව සමගි ජනබලවේග පාර්ලිමේන්තු මන්ත්රි ආචාර්ය හර්ෂ ද සිල්වා පවසයි.
අද (13) පැවැති මාධ්ය හමුවකදී හෙට ඉදිරිපත් වන අය වැය පිළිබඳ ව අදහස් දැක්වූ මන්ත්රිවරයා 2022 දී සුබසාධනයට වැය කරන ප්රමාණයට වඩා 2023 දී වෙන් කරන මුදල අඩු බව සඳහන් කළේය. මේ වනවිට විශාල ප්රමාණයක් දරිද්රතාවයට ගොදුරු ව පවතනි පසුබිමක් තුළ සත පහක්වත් සමෘද්ධියට වැඩි කර නැතැයිද එවැනි දේ සම්බන්ධයෙන් දැඩිව ප්රශ්න කිරීමට සූදානම් වන බවද ආචාර්ය හර්ෂ ද සිල්වා පැවසීය.
“ මේ සහන කපන්න බැහැ. සුබසාධන වියදම් කපන්න නෙමෙයි අවබෝධයෙන් දෙගුණ කරන්න ඕන. ඒ වෙනුවට යෝජනා කරලා තියෙන්නේ විශාල ම වියදම්. අපි බලාපොරොත්තු වෙනවා නොයෙකුත් අමාත්යාංශවලට ව්යාපෘති වලට වෙන් කරල තියෙන වියදම් ය සම්පූර්ණයෙන් අයින් කරන්න ඕන කියලා. එහෙම නැත්තම් කල් දාන්න ඕන. එසේ නොකර ආදායම පැත්තෙන් විතරක් තමන්ට අවශ්ය ප්රාථමික ගිණුමේ හිඟය අඩු කර ගන්න උත්සාහ කරනවා නම් බදු පැත්තෙන් විතරක් ඒකට අපිට එකඟ වෙන්න බැහැ.“ .
“සමෘද්ධී ගැටලු තියෙනවා. සමෘද්ධියට වියදම් කරන විදිය කොයි විදියට බැලුවත් සමාජ සුබසාධනයට එන අවුරුද්දේ මේ අවුරුද්දට වියදම් කරන්න ඕනේ කියන එක කවුරුත් පිළිගන්නවා. හැබැයි එහෙම තියෙද්දි සත පහක්වත් වැඩි වෙන්නේ නැත්නම් මොකක්ද මේ තර්කය. දුප්පත්කම දෙගුණ වුණා නම් සමාජ සුබසාධනයට වියදම් කරන ප්රමාණය ශත පහකින්වත් වැඩි වෙන්නේ නැතිව අඩු වෙනවා නම් කෝ සමාජය තේරුම් ගැනීම. ඒ නිසා අපිට ප්රශ්න කරන්න වෙනවා වියදම් කපා හැරීම සම්බන්ධයෙන්.“ ආචාර්ය හර්ෂ තවදුරටත් ප්රකාශ කළේය.
