මනම්පිටිය නිමල් ජයරත්න –
වැලිකන්ද නාමල්ගම ප්‍රදේශයේ අක්කර පහක පමණ භූමියක වගා කර තිබූ අඹ ගස් දෙසියකට ආසන සංඛ්‍යාවක් ඊයේ (11) රාත්‍රියේ කිසියම් පිරිසක් විසින් කපා විනාශ කර ඇති බව වැලිකන්ද පොලිසිය කියයි.
වැලිකන්ද ප්‍රාදේශීය සභාවේ සභාපතිවරයාට අයත්ව තිබූ මෙම වගා භූමියේ සිදුකර ඇති වගා අපරාධය සම්බන්ධව වැලිකන්ද ප්‍රාදේශීය සභාවේ සභාපති නිමල් අධිකාරි විසින් පොලිසිට පැමිණිල්ලක් යොමු ඇතැයි වැලිකන්ද පොලිස් ස්ථානාධිපති ප්‍රධාන පොලිස් පරීක්ෂක සමන්ත රත්නායක පැවසීය.
මෙය පුද්ගලික පලිගැනීමක් බවට සැකකරන බවත් සැකකරුවන් සොයා පරීක්ෂණ ආරම්භ කර ඇති බවත් ස්ථානාධිපතිවරයා පැවසීය.
ඉඩමේ භුක්තිය හිමි වැලිකන්ද ප්‍රාදේශීය සභාවේ සභාපති නිමල් අධිකාරී තමන් මීට වසර කිහිපයකට පෙර ශ්‍රී ලංකා මහවැලි අධිකාරියෙන් අඹ වගා කිරීම සඳහා ආයෝජන ඉඩම වශයෙන් මෙම ඉඩම ලබාගත් බවය.
අනතුරුව, අඹ, පොල්, ඇතුළු තවත් බෝග කීපයක් සිටවු බවත් ඉන් අඹ පැල දෙසීයක් සම්පූර්ණ විනාශ කර ඇති බවත් පොල් පැළ දහයකටද සතුරන් විසින් හානි කර ඇති බවත් ඔහු කීවේය
මල් පිපී පල හටගැනීමට ආසන්න තිබූ අඹ ගස් විශාල ප්‍රමාණයක් විනාශ කළ වගාවේ තිබී ඇත.
Discussion about this post