-
GMOA දේශපාලන උවමනාව සම්පූර්ණ කරන්න රටේ ඔක්කොම සල්ලි දීලත් බෑ… මෙහෙම ජන ජීවිතය බිල්ලට දෙන්න හදනාව නම් ඉදිරියේ දී තීරණයක් ගන්නවා…
ජනතාව අපහසුතාවයට පත් කරමින් තමන්ට පුලුවන් උපරිම ක්රියාමාර්ග රජයේ වෛද්ය නිලධාරීන්ගේ සංගමය විසින් අරගෙන ඇත්තේ රජයක් ලෙස ගත හැකි අවම බලයවත් රජය යොදවා නැති පසුබිමක බව සිහි කරගන්නා ලෙස නියෝජ්ය සෞඛ්ය ඇමති හංසක විජයමුණි අද (24) මහනුවර දී ප්රකාශ කළේය.
ඇමතිවරයා පැවසුවේ රජයේ වෛද්ය නිලධාරීන්ගේ සංගමය පසුපස ඇති දේශපාලන අවශ්යතාවය තෘප්ත කිරීමට මහ බැංකුවේ ඇති සියලුම මුදල් ලබා දුන්නත් නොහැකි බවය.
ඇමතිවරයා මෙසේ ද පැවසුවේය.
“රටක් විදිහට දැවැන්ත ප්රශ්නයකට මුහුණ දුන්නා. මිනිස්සු නගා සිටුවන්න ආණ්ඩුවට හිතන්නවත් බැරි මුදලක් වෙන් කරන්න සිද්ධ වෙලා තියනවා. ”
“එතකොට තමන්ට වාහනයක් ගන්න හෝ මොකක් හරි එකකට ඒ මුදල ඉල්ලා සිටීම මම දන්නේ නෑ කොයි තරම් දුරකට සදාචාරාත්මක ද කියලා. ”
“මේ රටේ තියන ඔක්කොම සල්ලි දුන්නත් ඒ දේශපාලන උවමනාව ඉටු වෙන්නේ නෑ. මිනිස්සුන්ගේ ජීවිතත් එක්ක සෙල්ලම් කරන්න එපා. මොකද ඒ ගොල්ල ඒ අයට ගන්න පුලුවන් උපරිම ක්රියාමාර්ග දැන් අරන් ඉන්නවා. නමුත් අපි රජය විදිහට අපිට ගන්න පුලුවන් අවම බලයවත් අපි පාවිච්චි කරලා නෑ. අවම ක්රියාමාර්ගවත් අපි අරගෙන නෑ.
ඒ නිසා ඒක විතරක් මතක තියාගත්තා නම් ඇති.
මොකද දිගින් දිගටම ජනතාවගේ ජීවිතත් එක්ක මේ සෙල්ලම දිගටම අරගෙන ගියෝතින් රජය විදිහට යම් යම් පියවර අපට ගන්න සිද්ධ වේවි.
