දිනසේන රතුගමගේ –
-
දැනට සරණාගතයින්ගේ පවුල්වල උපන් දරුවන් ද සමග දැන් ඔවුන්ගේ සංඛ්යාව ලක්ෂ 03කට වැඩියි… වැඩි දෙනෙක් යළි ලංකාවට එන්න කැමති නෑ… ඉන්දීය රජයටත් ඒ බව දැනුම් දීලා…
-
ඔවුන්ගේ දරුවන් ඉන්දියාවේ ඉගෙනගෙන ඒ පළාත්වලම රැකියාත් කරන්න පටන් අරන්… නැති ප්රශ්නයක් ඇති කරන්න එපා… ලංකාවට ඇවිත් ගෙයක් දොරක් රැකියාවක් නැතිව ජීවත් වෙන්නේ කෙසේ ද?… සරණාගතයෝ ප්රශ්න කරති…
යුද සමයේදී උතුරු ප්රදේශය අතහැර ඉන්දියාවට පලා ගොස් සිටින දෙමළ සරණාගතයින් සියලු දෙනාම ආපසු ඔවුන් කළින් පදිංචිව සිටි ප්රදේශ වලට ගෙන්වා ගැනීමට උතුරු පළාත් ආණ්ඩුකාර නාගලිංගම් වේදනායගම් ඊයේ (22) සරණාගතයින් පිළිබදව වූ එක්සත් ජාතීන්ගේ සංවිධානයේ (UNHCR ) ප්රධානියා සමග සාකච්ඡා කොට තිබේ.
එහිදී උතුරු පළත් ආණ්ඩුකාරවරයා UNHCR සංවිධානයේ සංජිත සත්යමූර්ති වෙත පවසා ඇත්තේ එම සරණාගතයින් ආපසු ගෙන්වා ගැනීමට අවශ්ය කටයුතු සංවිධානය කළ යුතුව ඇති බවයි.
1992 වසරේදී විශාල පිරිසක් ඉන්දියාවට පලා ගිය අතර ඔවුන්ගෙන් ආපසු පැමිණ ඇත්තේ අඩකටත් වඩා අඩු පිරිසක් බව උතුරු පළාත් ආණ්ඩුකාරවරයා ප්රකාශ කරයි.
උතුරු පළාත් අතහැර ගිය පවුල් වලට ඉන්දියාවේදී අලුතින් සිදු වූ දරු උපත් සමග මේ වන විට ලක්ෂ තුනකට ආසන්න දෙමළ වැසියන් පිරිසක් ඉන්දියාවේ සරණාගත කදවුරු වල වාසය කරති.
මේ අතර අලුතින් උපන් දරුවන් ඉන්දියාවේ විවිධ ආයතනවල අධ්යාපනය හදාරා එම පළාත්වල රැකියා වල නිරතව සිටින නිසා තම පවුල්වලට ආපසු උතුරට පැමිණීමට නොහැකි බව සරණාගත පවුල් විශාල සංඛ්යවක් ඉන්දීය බලධාරීන්ට මීට පෙර දැනුම් දී තිබේ.
තවත් පිරිසක් ප්රකාශ කොට ඇත්තේ ඔවුන් ඉන්දියාවේ සිට ආපසු පැමිණියත් ඔවුන් සතුව ඉඩමක් හෝ නිවසක් නොමැති නිසා ඔවුන්ට ජීවත් වීම පිළිබඳව ප්රශ්නයක් පැන නගින බවයි.
රැකියා සොයා ගැනීමේදීද විශාල ගැටලුවක් ඇති විය හැකි බව එම සරණාගතයින් පෙන්වා දී ඇත.
