දිනසේන රතුගමගේ
යාපනයේ චුන්නාකම් ප්රදේශයේ පිහිටි කදුරුගොඩ විහාරයේ ඉදි කිරීමට සැලසුම් කොට ඇති බෞද්ධ මධ්යස්ථානයට පළාතේ වැසියන්ගෙන් එල්ල වී ඇති විශාලා බලපෑමක් නිසා එහි සමාරම්භක කටයුතු නවතා දැමීමට සිදුව තිබේ.
කදුරුගොඩ විහාරයට යාබදව සිටින පිරිස් එම විහාරස්ථානය සතු ඉඩම් වලින් විශාල ප්රමාණයක් බලහත්කාරයෙන් අත්පත් කරගෙන සිටින අතර එම ස්ථනයේ බෞද්ධ මධ්යස්ථානයක් ඉදි කළහොත් ඔවුන්ට ඉඩම් අහිමි වී යා හැකි බැවින් ඔවුන් මේ බෞද්ධ මධ්යස්ථානය ඉදිකිරීමට එරෙහිව විරෙධය පලකොට තිබේ.
විශාල පිරිසක් යාපනයේ තෙලිප්පලෙයි ප්රාදේශීය සභාව වෙත ගොස් කදුරුගොඩ විහාරාසන්නයේ බෞද්ධ මධ්යස්ථානයක් ඉදි කිරීමේ කාර්යයට අනුමැතිය ලබා නොදෙන ලෙස කළ ඉල්ලීමක් නිසා ප්රාදේශීය සභාවද ජනතවගේ බහට අවනත වී අනුමැතිය ලබා නොදී නිහඩව සිටියි.
මෙම ස්ථානයේ බෞද්ධ මධ්යස්ථානයක් ඉදිකරණු ලබන්නේ දකුණේ සිට යාපනයට ගොස් කදුරුගොඩ විහාරය වන්දනාමාන කිරීමට සහභාගී වන බැතිමතුන්ගේ පහසුව පිණිස වූවත් ප්රාදේශීය සභාව හා ජනතාව ඒ තත්ත්වය පිළිගැනීමට දැඩි අකැමැත්තක් දක්වන අතර ඔවුන් කියා සිටින්නේ බෞද්ධයින් නොමැති පළාතකට බෞද්ධ මධ්යස්ථානයක් අවශ්ය නොවන බවයි.
