දිනසේන රතුගමගේ –
යාපනය විශ්ව විද්යාලය තුළ නවක වධය ලබා දීමට යාමේදී ඇති වූ ගැටුමකට සම්බන්ධ ජ්යෙෂ්ඨ සිසුන් 19 දෙනෙකු යාපනය අධිකරණය විසින් 13 දා ඇප මත නිදහස් කොට තිබේ.
විශවවිද්යාලයේ නවක සිසුන් පිරිසකට නවක වධය ලබා දීමට ගිය අවස්ථාවේදී නවක සිසුන් ජ්යෙෂ්ඨ සිසුන් විසින් නියම කරණ ලද ක්රියාවන් ඉටු කිරීම ප්රතික්ෂේප කිරීම නිසා ජ්යෙෂ්ඨ සිසුන් නවක සිසුන්ට පහර දී ඇත.
මේ පිළිබඳව කෝපායී පොලීසියට පැමිණිලි කිරීමෙන් පසුව සිද්ධිය සම්බන්ධයෙන් පරීක්ෂණ පැවැත්වූ පොලීසිය සිසුන්ගෙන් කළ ප්රශ්න කිරීම්වලට අනුව ජ්යෙෂ්ඨ සිසුන් 19 දෙනෙකු වරින් වර අත් අඩංගුවට ගෙන තිබුණි.
එම සිසුන්ව යාපනය අධිකරණය වෙත ඉදිරිපත් කිරීමෙන් පසුව එක් සිසුවෙකුට රුපියල් ලක්ෂය බැගින් වූ ශරීර ඇප නියම කළ මහේස්ත්රාත්වරයා ඔවුන්ව ඇප මත නිදහස් කොට තිබේ.
සිසුන්ට පහර දීම තර්ජනය කිරීම අශෝභන ලෙස හැසිරීම හා විශ්ව විද්යාලයේ නීති රීති කඩ කිරීම ඇතුලු චෝදනා 9 ක් සම්බන්ධයෙන් කෝපායී පොලීසිය විසින් ඉදිරිපත් කොට ඇති නඩුව ජනවාරී මස 24 වෙනිදා විභාගයට ගැනීමටද යාපනය අධිකරණය දින නියම කොට තිබේ.
