අවම බලය භාවිත කිරීම යනු සිවිල් වැසියන් වෙඩි තබා ඝාතනය කිරීම නොවන බව මහාචාර්ය ප්රතිභා මහානාමහේවා පවසයි.
මෙම අර්බුද හමුවේ මේ වන විට ජාත්යන්තරයම ශ්රී ලංකාව දෙස බලා සිටින බවත්, සිදුවීම පිළිබඳ සංස්කරණය නොකළ දර්ශන ජිනීවා මානව හිමිකම් කොමිසමට මේ වනවිට ඉදිරිපත් වී ඇති බවත් ඔහු පෙන්වා දෙයි. මහාචාර්යවරයා කියන්නේ මේ සිදුවීම වන්නේ රට ජාත්යාන්තර මූල්ය අරමුදල ඉදිරියට ගොස් සාකච්ඡා පවත්වමින් සිටින විට බවය.
අද(20) රූපවාහිනී සාකච්ඡාකවකට එක්වෙමින් මහාචාර්යවරයා කීවේ පොලීසියට උපරිම බලය ඇත්තේ මර්දනකාරී සහ කලහකාරී අයුරින් හැසිරෙන පුද්ගලයෙකුගේ දණහිසෙන් පහළට වෙඩි තැබීමට පමණක් බවය.
නිරායුධ සිවිල් වැසියන්ට එල්ල කළ මෙම ප්රහාරය ප්රචණ්ඩකාරී ක්රියාවක් බවත්, සිවිල් වැසියන් ද ප්රචණ්ඩකාරීව හැසිරිම හේතුවෙන් මෙම සිදුවීම සිදුව ඇති මාධ්ය වාර්තා කර ඇති බවත් ඔහු කීවේය.
“ජාත්යන්තර මානව හිමිකම් නීතියේ ද සඳහන් වන්නේ, කිසියම් පිරිසක් ප්රකෝපකාරීව හැසිරීම හෝ අවි ආයුධ ගෙන පොලිසියට පාලනය කරගත නොහැකි තැනකට පත් වන්නේ නම්, උපරිම කඳුලු ගෑස්, බැටන් ප්රහාර, රබර් උණ්ඩ ප්රහාරයි. ඊටත් එහායින් සිදු කළ හැකි ප්රහාරය වන්නේ උපරිම වශයෙන් දණහිසෙන් පහළට වෙඩි තැබීම පමණයි.“
“ඊට පසුව වැදගත්ම කාරණය තමයි මේ පිරිස විසිර යනවානම් එවැනි පුද්ගලයින් කිසිම ආකාරයක පීඩනයක් කරන්න බැහැ. පොලිසියට දැන් වගකීමක් තියනවා මේ කියන පියවර හරියට අරගෙන තියනවාද කියා බලන්න. වහාම ස්වාධීන පරික්ෂණයක් කරලා ඒ අනුව ලංකාවේ තියෙන දණ්ඩ නීති සංග්රහය යටතේ ක්රියා කළ හැකිව තිබෙනවා.
මේ සිදුවීම් මාලාව මේ වන විට ජිනීවාවලට ගිහිල්ලා ඉවරයි. සංස්කරණය නොකල දර්ශන ගිහිල්ලා තියනවා. ඒ අය අහනවා මේ මොකද වෙන්නේ කියලා.
අයිඑම්එෆ් එකත් එක්ක සාකච්ඡා යනවා. මේ වෙලාවේ ජනතාවත් තමන්ගේ භාෂණය සාමකාමීව ප්රදර්ශනය කළ යුතුයි. පොලිසියත් තමන්ගේ සීමා තුළ සිටගෙන කටයුතු කළ යුතුයි“
“ඊයේ දින සිදු වූ රඹුක්කන සිදුවීම සම්බන්ධයෙන් සිදු වූ වෙඩි තැබීම කාගේ නියෝග මත සිදු වූවක් ද, එය නීත්යානුකූල ද යන්න විධිමත් පරීක්ෂණයක් සිදු කළ යුතුයි.
1978 ආණ්ඩුක්රම ව්යවස්ථාවේ 15 වැනි ව්යවස්ථාව යටතේ භාෂණයේ නිදහස සහ අරගල කිරීමේ නිදහස සම්බන්ධයෙන් සඳහන් කර ඇති නීතින් කිසිදු අයෙකුට උල්ලංඝනය කරමින්, කටයුතු කළ නොහැකි බව ද ආචාර්ය ප්රතිභා මහානාමහේවා කීවේය.
එබැවින් අරගල කිරීමේ දී සහ භාෂණයේ දී වුව ද අනිවාර්යයෙන්ම සාමකාමීව කටයුතු කළ යුතු අතර, කිසිදු අවස්ථාවක ප්රචණ්ඩකාරීව හැසිරීම් නොකළ යුතු බව ද හෙතෙම වැඩිදුරටත් කියා සිටියේය.
