සූරියවැව නුවන් ජයසේකර –
සූරියවැව ජීවිතය වෙනම කතාවකි. ගෝඨාභය රාජපක්ෂ ඇතුළු රාජපක්ෂ පවුලම රට කරවන පුටුවලට ගියේ මහා වන දහන් මැද වන අලි උවදුරු විඳිමින් රෝහලකට නගරයකට කිලෝ මීටර ගණනක් දුර ගෙවා එන්නට සිදුවන ඒ ගැමියන්ගේ ජීවිතය පසුකරය.
තවමත් මන්දබුද්ධිකයෙක් සේ සිනාසෙමින් සැහැල්ලුවෙන් හැසිරෙන මේ රටේ ජනාධිපතිට තමන් එම ධුරයෙන් ඉවත් වී යා යුත්තේ ඇයි දැයි නොතේනෙවා නම් මේ ඡායා රූප පෙළ බලා එය පැහැදිලි කරගත හැකිය.
මේ බඩ දරු අම්මලා අසීරුවෙන් පැය ගණනක් ඉන්ධන පෝලිමේය. සූරියවැව අයි.ඕ.සී ඉන්ධන පිරවුම්හලේ ගැබිණි මව්වරුන්ට වෙනම පෝළිමක් සකසා දී තිබේ. ඒ ඉන්ධන ලීටර කීපයක් ලබාගෙන කුසේ ජීවත් වෙන කිරිකැටියා ජීවත්කර ගැනීමට හදිසියේ රෝහල්ගත වීමක් සඳහාය.
ලෙඩක් දුකක් අසනීපයක් වුනොත් වෛද්යවරයෙක් වෙත යෑම සඳහාය. මේ අන්තිමට මේ රටේ කෂඩ පාලකයින් අපට ඉතිරි කර දී ගිය රටය.
“ හදිස්සියක් උනොත් ඉස්පිරිතාලෙට යන්න ත්රීවිල් එකක් හොයා ගන්න නෑ… එකකවත් පෙට්රල් ටිකක් නෑ. තෙල් ටිකක් දීලා හරි ඉස්පිරිතාලෙට යාගන්න ඕනි. ඒකයා පෙට්රල් ලීටරයක් දෙකක් ගන්න මේ පෝලිමට ආවෙ…“
එක අම්මා කෙනෙක් කීවාය. අප වැපිරූ දේ අස්වැන්න ලැබී ඇත. එය රටක් ලෙස අප පිළිගත යුතුය.
මට දුක හිතුනේ ඉපදෙන්න ඉන්න පොඩි එකා ගැනය.
ඌ පව්..
