කිර්ති ප්රනාන්දු –
ලොරි 05ක පමණ පටවාගෙන පැමිණිය හැකි බිත්තර ප්රමාණයක් ලොරි 16ක රැගෙන ඇවිත් ස්ථාන කීපයක බලධාරීන් ඊයේ බිත්තර සංදර්ශනයක් දැමූ බව සමස්ථ ලංකා බේකරි හිමියන්ගේ සංගමයේ සභාපති එන්.කේ.ජයවර්ධන පැවසුවේය.
බිත්තර නිශ්පාදනය රට තුළ සියයට පනහක් අඩුවී තිබෙද්දී බිත්තර පෙට්ටි කීපයක් පටවාගෙන පැමිණ මේ දර්ශන කරන්නේ කවරෙක් මුලා කරන්නදැයි ඔහු විමසයි.
බිත්තර හිඟයක් නොමැතිව පවතින බව යම් සංගමයක් පවසන්නේ නම් රුපියල් 55ක සිල්ලර මිලට බිත්තර ලක්ෂයක් වුවද මිලදී ගැනීමට සමස්ථ ලංකා බේකරි හිමියන්ගේ සංගමය මේ දින කීපය තුළ සූදානම් බව ඔහු කීවේය.
මේ තත්ත්වය සම්බන්ධව මීට මාස කීපයකට කලින් සියලුම බලධාරින්ට දන්වා සිටියත් සාධාරණ විසඳුමක් නොලැබුන බව පවසන බේකරි හිමියෝ දැන්ම සැලසුමක් සහිතව කටයුතු කර ලබන සිංහල අලුත් අවුරුද්දවත් බේරා දෙන ලෙස ඉල්ලා සිටිති.
