ධීවර කටයුතු සඳහා ඉකුත් 30 වැනිදා මුහුදු ගිය බහුදින යාත්රාවකදී හදිසියේ බරපතළ ලෙස රෝගාතුර වූ ධීවරයකු ගලවා ගැනීමට නාවික හමුදාව සමත් වී තිබේ.
සාමාජිකයින් පස් දෙනෙකු සමඟ ‘වර්ෂාන් පුතා 03’ (Reg. No. IMUL-A-0872 MTR) නම් බහුදින ධීවර යාත්රාව ධීවර කටයුතු සඳහා ජූලි 30 වන දින කලමැටිය ධීවර වරායෙන් මුහුදු ගොස් ඇති අතර එක් සාමාජිකයෙකු ශ්රී ලංකාවට ගිනිකොන දෙසින් මුහුදේදී බරපතළ ලෙස රෝගාතුර වී තිබේ.
ධීවර හා ජලජ සම්පත් දෙපාර්තමේන්තුව, නාවික හමුදා මූලස්ථානයේ පිහිටි කොළඹ සමුද්ර ගලවා ගැනීමේ සම්බන්ධීකරණ මධ්යස්ථානය (MRCC) වෙත මෙම තත්ත්වය පිළිබඳව දැනුම් දෙන දීමෙන් පසුව නාවික හමුදාව රෝගියා බේරා ගැනීම සඳහා මැදිහත් වී තිබේ.
හදිසි තත්ත්වයට ප්රතිචාර දක්වමින් නාවික හමුදාව රෝගියා ගොඩගැනීම සඳහා දකුණු නාවික විධානයට අනුයුක්ත P 475 වේග ප්රහාරක යාත්රාව අදාළ මුහුදු ප්රදේශයට යොමු කරන ඇති අතර ඒ අනුව නාවික සෙබළුන් විසින් මුහුද රළු වූ අවස්ථාවලදී නිර්භීතව කටයුතු කර රෝගාතුර වූ ධීවරයා වේග ප්රහාරක යාත්රාව වෙත යොමු කිරීමට සමත්
නාවික හමුදාව විසින් නෞකාවේ සිටි රෝගියාට අත්යවශ්ය ප්රථමාධාර ද ලබා දී අගෝස්තු 01 වැනි දින හම්බන්තොටට පැමිණීමෙන් පසු රෝගියා වැඩිදුර ප්රතිකාර සඳහා කඩිනමින් හම්බන්තොට දිස්ත්රික් මහ රෝහල වෙත රැගෙන යන ලදී.
