ඩිජිටල් තිරයක් මගින් මහ මැතිවරණ අපේක්ෂකයන්ගේ දැන්වීම් පළ කරමින් ඔවුන්ව ප්රවර්ධනය කිරීමේ සිද්ධියක් සම්බන්ධයෙන් මිණුවන්ගොඩ නගරයේ සණස ගොඩනැගිල්ලේ පිහිටි ඡායාරූපාගාරයක පුද්ගලයෙකුව මිනුවන්ගොඩ පොලීසිය මගින් අත්අඩංගුවට ගෙන අධිකරණ ඉදිරිපත් කිරීමෙන් අනතුරුව රුපියල් ලක්ෂයක ශරීර ඇප මත මුදා හරින ලෙස මිනුවන්ගොඩ මහේස්ත්රාත්වරිය වූ ටී තේනබදු නියෝග කළාය .
ඊට අමතරව මැතිවරණ කාලය සහ පශ්චාත් මැතිවරණ කාලය අවසන් වන තුරු එම ඩිජිටල් තිරය ක්රියා විරහිතකර වසා තබන ලෙසද මහේස්ත්රාත්තුමිය නියෝග කර තබිණි .
මෙසේ ශරීර ඇප මත මුදා හරිනු ලැබුවේ මිනුවන්ගොඩ ගල්ලොලුව පදිංචි කොටපොල ආරච්චිගේ චන්දික මදුශංක නැමැති අයකුවය. මෙම ඡායාරූපාගාරයට අයිති මිනුවන්ගොඩ සනස ගොඩනැගිල්ලේ සවිකර ඇති ඩිජිටල් තිරයක මහාමැතිවරන අපේක්ෂකයන්ගේ මැතිවරණ ප්රචාරක දැන්වීම් පළ කරන බවට පොලිසියට ලද තොරතුරකට අනුව මිනුවන්ගොඩ පොලිසිය මගින් මෙම වැටලීම සිදුකළ බව පොලිසිය පැවසීය .
මිනුවන්ගොඩ නිල්පනාගොඩ ප්රදේශයේදී පෝස්ටර් අලවමින් සිටි නව ප්රජාතන්ත්රවාදී පෙරමුණු පක්ෂයේ ආධාරකරුවන් තිදෙනෙකුව අලවමින් සිටි පෝස්ටර් තොගයද සමඟ අත්අඩංගුවට ගත් බව මිනුවන්ගොඩ පොලිසිය කීවේය. අත්අඩංගුවට ගත් සැකකරුවන් තිදෙනා පොලිස් ඇප මත මුදා හැරීමෙන් පසු ඔවුන්ට නඩු පවරා මෙම මස 13 දින මිනුවන්ගොඩ මහේස්ත්රාත් අධිකරණයට ඉදිරිපත් කිරීමට නියමිතය.
