සූරියවැව නුවන් ජයසේකර –
හම්බන්තොට සාමෝදාගමදී පාසල් සිසුන් දෙදෙනෙක් අතර ගැටුමකින් 15 හැවිරිදි දරුවෙක් ඊයේ (06) සවස මිය ගොස් ඇත්තේ ක්රිකට් තරගයක් අතර ඇති වූ කෝන්තරයක් දුර දිග යෑමෙන් පසු ඇති වූ බහින්බස්වීමක් නිසා බව මූලික විමර්ශනවලින් හෙළි වී ඇතැයි හම්බන්තොට මූලස්ථාන පොලිසිය කියයි.
මෙලෙස මියගොස් ඇත්තේ හම්බන්තොට සහිරා විද්යාලයේ ඉගෙනුම ලබන ආබොක්ක, හම්බන්තොට පදිංචි මොහොමඩ් ෆයිරෝස් ආනිෆ් අහමඩ් නැමති 15 හැවිරිදි සිසුවෙකි.
මියගිය සිසුවා 05 වන දින සාමෝදාගම පිහිටි උපකාරක පන්තියකට යමින් සිටියදී මෙම පහරදීම සිදුකර ඇත. පහරදීම සිදුකල බව කියන සිසුවාද මේ වන විට හම්බන්තොට පොලිසිය විසින් අත්අඩංගුවට ගෙන ඇති අතර ඔහු හම්බන්තොට ආරබොක්ක ප්රදේශයේම පදිංචි 17 හැවිරිදි පාසැල් සිසුවෙකි.
අත්අඩංගුවට පත් සිසුවා සිය පියාට අයත් ත්රි රෝද රථයකින් සාමෝදාගම ප්රදේශයට පැමිණ මරණයට පත්වුන දරුවා හා බහින් බස්විමක් ඇති වි තිබේ. එහිදී සිදුකළ පහරදීමෙන් අසාධ්ය තත්වයට පත්ව ඇති මියගිය සිසුවා කඩිනමින් ප්රථිකාර සදහා හම්බන්තොට මහ රෝහලට ඇතුළත් කර ඇත.
සිසුවා ප්රථිකාර සදහා හම්බන්තොට මහ රෝහලේ හදිසි ප්රථිකාර ඒකකයට ඇතුළත් කිරිමෙන් පසු මියගොස් තිබේ. සිද්ධිය සම්බන්ධයෙන් වු මහේස්ත්රාත් පරීක්ෂණය හම්බන්තොට මහේස්ත්රාත් හා අතිරේක දිසා විනිසුරු ඕෂධ මිගාර මහ ආරච්චි විසින් ඊයේ (06) පෙරවරුවේ පැවැත් වු අතර සිරුර හම්බන්තොට මහ රෝහලේ අධිකරණ විශේෂඥ වෛද්ය වරයා හමුවට ඉදිරිපත් කර පශ්චාත් මරණ පරීක්ෂණ වාර්තාවක් අධිකරණයට ඉදිරිපත් කරන ලෙස මහේස්ත්රාත් වරයා හම්බන්තොට පොලිසියේ මුලස්ථාන පොලිස් පරීක්ෂක වරයාට නියෝග කළේය.
සිද්ධියට සැකපිට අත්අඩංගුවට ගෙන ඇති 17 හැවිරිදි සිසුවා හම්බන්තොට මහේස්ත්රාත් අධිකරණයට ඉදිරිපත් කිරිමට නියමිත අතර සිද්ධිය සම්බන්ධයෙන් වැඩිදුර වරමර්ශණ තංගල්ල කොට්ඨාස භාර ජ්යෙෂ්ඨ පොලිස් අධිකාරී කේ.බී.කීර්තිරත්නගේ උපදෙස් පරිදි හම්බන්තොට මුලස්ථාන පොලිසිය පවත්වයි.
