ප්‍රවින තුන් ඉරියව් ක්‍රීඩක ඇන්ජලෝ මැතිව්ස් සහ දුෂ්මන්ත චමීර ඉන්දියාවේ පැවැත්වෙන ලෝක කුසලාන තරගාවලියට එක් කිරීම සඳහා ජාතික තේරීම් කමිටුව විසින් කැඳවා තිබේ.
ප්‍රමෝද් මධුෂාන් කණ්ඩායමට ගෙන්වා ගැනීම කලින් සැලසුම වූ නමුත් දුෂ්මන්ත චමීර “සම්පූර්ණයෙන්ම සුවය ලැබීමත් සමඟ දුර්වල පන්දු යැවිම් යාන්ත්‍රණය ශක්තිමත් කිරීම සඳහා පළපුරුදු ක්‍රීඩකයා කණ්ඩායමට ඇතුළත් කිරීමට තේරීම් කමිටුව තීරණය කර ඇත.
මතීෂ පතිරණ ගේ පන්දු යැවීමේ හස්තයේ සිදුවූ ආබාධයක් හේතුවෙන් ඔහුට අවම වශයෙන් දින 10ක් ක්‍රීඩාවෙන් ඉවත් වී සිටීමට සිදුවී ඇත.
මතීෂ හෝ වෙනත් ක්‍රීඩකයෙකු ආබාධයකට ලක්වුවහොත් අතිරේක ක්‍රීඩකයා ලෙස චමීර 15 දෙනෙකුගෙන් යුත් සංචිතයට ගෙන ඒමට කණ්ඩායම් කළමනාකාරීත්වයට අවස්ථාවක් ලැබෙනු ඇත.
36 හැවිරිදි ඇන්ජලෝ මැතිව්ස් තේරීම් කමිටු සැලැස්මේ නොසිටි නමුත් මැදපෙළ වැරදි ලෙස ක්‍රියාත්මක වීමත් සමඟ මැතිව්ස් ඇතුළත් කර ඇත.
2021 තේරීම් කමිටුව තරුණයන් පදනම් කරගත් ප්‍රතිපත්තියක් හඳුන්වා දීමත් සමඟ ඔහු සුදු පන්දු ක්‍රිකට් ක්‍රීඩාවෙන් ඉවත්ව සිටියේය.
මාර්තු මාසයේදී ශ්‍රී ලංකාව නවසීලන්තයේ සංචාරයක නිරත වූ අවස්ථාවේදී ඔහුට කණ්ඩායමට පැමිණීමට අවස්ථාව ලැබුණු නමුත් ඔහු නවසීලන්තයට සහ ඇෆ්ගනිස්තානයට එරෙහිව තරග තුනේදී ලකුණු 18, 0 සහ 12 ක් ලබා ගැනීමත් සමඟ ඔහු නැවතත් කණ්ඩායමෙන් ඉවත් කෙරනි.
ශ්‍රී ලංකාව ඕස්ට්‍රේලියාව හමුවේ කඩුලු 5 කින් පරාජයට පත් වූ නමුත් ආරම්භක කඩුල්ල වෙනුවෙන් 157ක සම්බන්ධතාවයක් ගොඩනැගුනේය.
එතැන් සිට 209 වන විට කණ්ඩායමේ සියල්ලෝ දැවී ගියහ. මේ තත්ත්වය තුළ පළපුරුදු තුන් ඉරියව් ක්‍රීඩකයා නැවත සලකා බලනු ලැබ ඇත.
ඔහුට 15 දෙනෙකුගෙන් යුත් සංචිතයට එක්වීමට නම් ක්‍රීඩකයෙකු ආබාධයකට ලක්විය යුතුය.
මේ අතර, චමීර අවසන් වරට ශ්‍රී ලංකාව වෙනුවෙන් ජුනි මාසයේදී ඇෆ්ගනිස්ථානයට එරෙහිව සහ ලෝක කුසලාන සුදුසුකම් ලැබීමේ තරගවලදී ක්‍රීඩා කළේය.
