මාලිමා මැතිවරණ ප්රතිපත්ති ප්රකාශනයෙන් පොරොන්දු දී ඇති අන්දමට ක්රිකට් ව්යවස්ථාව වෙනස් කිරීමටත් ක්රිකට් ඇතුළු ක්රීඩා වල දූෂණ වලට එරෙහිව කටයුතු කර වරදකරුවන් නීතිය හමුවට පැනවීමටත් කාලය දැන් පැමිණ ඇතැයි මේ වනවිට ක්රීඩා අමාත්යාංශය තුළින්ම අදහසක් මතුවෙමින් තිබේ.
ක්රීඩා ඇමතිවරයාද මෙතෙක් නිද්රෝපගතව සිටීමත් ක්රිකට් සම්බන්ධව කිසිවක් කතා නොකර සිටීමත් පුදුමයට හේතුවක් බව පවසන මොවුන් දූෂිතයන්ට එරෙහිව කටයුතු කිරීම පමා වීම මගින් මාලිමා රජය ගැන ජනතාව තැබූ විශ්වාසය පළුදු වී යාම වැළැක්විය නොහැකි බවත් පවසති.
ඔවුන් පෙන්වා දෙන්නේ යුක්ති ඉටු නොකිරීම මෙන්ම යුක්තිය ඉටු කිරීම ප්රමාද වීම ද නීතියේ විධානය හා ආධිපත්යය සම්බන්ධව මාලිමාව බලයට පත් වීමට පෙර ප්රකාශිත විශිෂ්ට සංකල්පය ගර්හාවට ලක් කරවන බවය.
ක්රිකට් ව්යවස්ථාව වෙනස් කිරීම සම්බන්ධයෙන් මීට පෙර චිත්රසිරි වාර්තාව මගින් පෙන්වා දුන් නිර්දේශ වහා ක්රියාත්මක කළ යුතු බවද ඊට ඇති බාධක මොනවාදැයි තමන්ටත් ප්රශ්නයක් බව ද ඔවුහු පවසති.
මේ අතර ජාතික ඔලිම්පික් කමිටුවේ ලේකම් මැක්ස්වෙල් ද සිල්වා තනතුරෙන් පහ කළ ආකාරයට සෙසු ක්රීඩා සංගම් වල දූෂිත නිලධාරීන් ඉවත් කිරීම සිදු කළ යුතු බවද ඒ තීරණ ගැනීමේ පෞරුෂය ක්රිකට් සම්බන්ධව නැතිවීම මවිතය උපදවන බවද ඔවුහු කියති.
