මනම්පිටිය නිමල් ජයරත්න –
-
මේ කන්නයේ ගොයම් කපාගත් පසු අලි කොරිඩෝවේ වගා කළ කුඹුරු සියල්ල යළි පවරා ගනී! අලි කොරිඩෝව යළි නිදහස් කරන බව නියෝජ්ය ඇමති සහතික වෙයි…
මාදුරුඔය ජාතික වනෝද්යානයේ සිට වස්ගමූව ජාතික වනෝද්යානය දක්වා පසුගිය කාලයේ දේශපාලනඥයින් ඡන්ද අපේක්ෂාවෙන් ඔවුන්ගේ ආධාරකරුවන්ට අලි ගමන් කරන මාර්ගයේ, වගා කිරීමට ලබාදී තිබෙන කුඹුරු මෙන්ම වගාවන් වහාම ඉවත් කර මාදුරුඔය ජාතික වනෝද්යයන් සිට වස්ගමුව ජාතික වනෝද්යානය දක්වා දිවෙන අලි කොරිඩෝව අලින් වෙනුවෙන් නිදහස් කරන බව පොළොන්නරුව දිස්ත්රික් පාර්ලිමේන්තු මන්ත්රී නිවාස සංවර්ධන නියෝජ්ය අමාත්ය ටී.බී සරත් පවසයි.
ඉන් අපේක්ෂා කරන්නේ මාදුරුඔය, වස්ගමුව, සෝමාවතිය, ජලගැලීම් නිම්න ජාතික වනෝද්යානයේ අතර වන අලින්ට බාධාවකින් තොරව සංචරණය කිරීමේ අවස්ථාව ලබා දීම බව ද නියෝජ්ය ඇමතිවරයා පෙන්වා දෙයි.
ඊයේ (2) සිරිපුර පල්ලේගම ප්රජා ශාලාවේදී පැවැති රැස්වීමේදී ඔහු පැවසුවේ මෙම කන්නයේ වගාකර ඇති කුඹුරුවල වී අස්වනු නෙලීමෙන් අනතුරුව දිඹුලාගල හුංගමාල ඔය හරහා තිබූ අලි කොරිඩෝව වන අලින් වෙනුවෙන් නිදහස් කරන බවය.
පසුගිය රජයන් විසින් දේශපාලන උවමනාව මත ලබා දී ඇති ඉඩම්වල පැවරීම් මාස තුනක් ඇතුළත අවලංගු කර වන අලින්ගේ ආරක්ෂාව සහතික කර උන්ගේ සංචරණ අවශ්යතා සපුරන අතරම අලි වැට ශක්තිමත් කරන බව ද ඇමතිවරයා කීවේය.
ගොවි සංවිධාන නියෝජිතයින් සහ ගොවීන් කිහිපදෙනෙකු පෙන්වා දුන්නේ මාදුරුඔය සිට වස්ගමූව ජාතික වනෝද්යානය දක්වා තිබූ අලි කොරිඩෝව නිදහස් කරන්නේ නම් සිදුවන හානි විශාල වශයෙන් අඩුකර ගත හැකි බවය.
ගොවින් කරන ලද එම ඉල්ලීමට අනුව නියෝජ්ය අමාත්යවරයා හුංගමාල ඔය අලි කොරඩෝව තුළ වගාකර ඇති අනවසර වගා කිරීම් නිරීක්ෂණය කළේය. මාස තුනක් ඇතුළත අනවසර වගාකරුවන් ඉවත් කර, වන අලින්ගේ ගමන් මාර්ගය යළි සැකසීමට අවශ්ය කටයුතු කරන ලෙසට නියෝජ්ය ඇමතිවරයා ශ්රී ලංකා මහවැලි අධිකාරියේ නිලධාරීන්ට ඇමතිවරයා නියෝග කළේය.
