සුමිත් පොතුපිටිය
බේරුවල මාගල්කන්ද ප්‍රදේශයේ අනාරක්ෂිත දුම්රිය හරස් මාර්ගයකදී අද දුම්රියක ත්‍රීරෝද රථයක් ගැටී දෙදෙනෙකු තුවාල ලබා රෝහල් ගතකර ඇති බව බේරුවල පොලිසිය පවසයි .
මෙම අනතුර සිදුවන ආකාරය සීසීටීවී දර්ශනවල සටහන්ව ඇත. මරදාන සිට අලුත්ගම බලා මෙම දුම්රිය ධාවනයවී ඇති අතර මාගල්කන්ද දුම්රිය හරස් මාර්ගයේ ත්‍රීරෝද රථය ගමන් කිරිමේදී අනතුර සිදුව ඇති බව පොලිසිය කීය.
අනතුර සිදුවන අවස්ථාවේ ත්‍රීරෝද රථය තුල සිව්දෙනෙකු ගමන්කර ඇති බවත් සදහන් වේ.
තුවාල කරුවන් බේරුවල ප්‍රදේශීය රෝහලට රැගෙන විත් ඇත. බේරුවල පොලිසිය පරීක්ෂණ පවත්වති.
