මහනුවර දිස්ත්රික් ජනතාවට තවදුරටත් තමන්ගේ සේවය අවශ්ය නොවන බව මෙවර පැවති මැතිවරණයෙන් පෙන්නුම් කර ඇති බැවින් තමන් දේශපාලනයෙන් සමුගන්නා බව මහින්දානන්ද අලුත්ගමගේ අද (16) මාධ්ය හමුවක් පවත්වමින් පැවසීය.
ඔහු මාධ්ය අමතමින් කළ සම්පූර්ණ ප්රකාශය මෙසේය.
” පුරා දශක හතක් අලුත්ගමගේ පරපුර කළ සේවාව තවදුරටත් අවශ්ය නොවන බවට පසුගියදා පැවති පාර්ලිමේන්තු මැතිවරණයෙන් මහනුවර දිස්ත්රික්කයේ ජනතාව තීන්දු කළා.
ඉන් දශක තුනකට වැඩි කාලයක් නාවලපිටිය ප්රමුඛ කරගෙන සමස්ථ මහනුවර දිස්ත්රික්කයේ ජනතාව වෙනුවෙන් මට කරන්න පුලුවන් උපරිම ශක්තිම මම මේ ප්රදේශයේ ජනතාවට ඔප්පු කරලා පෙන්වලා තියනවා. මට මතකයි මම දේශපාලනය පටන් ගන්නකොට නාවලපිටිය කුරුඳුවත්ත තිබුණෙ කොහොමද කියලා. ඒ වගේම සමස්ථ මහනුවර නගරය තිබුණෙ කොහොමද කියලා.
මා විශ්වාස කරනවා මගේ දශක තුන හමාරක කාලය තුළ නාවලපිටිය ප්රමුඛ කරගත් මහනුවර දිස්ත්රික්කයේ ජනතාව වෙනුවෙන් මට කරන්න පුලුවන් උපරිම සේවාව මම කළා කියලා.
1993 පළාත් සභා මැතිවරණයෙන් දේශපාලනය පටන් ගත් මට පළමුවෙන්ම මහනුවර ජනතාව මට ලබා දුන්නේ මනාප 13,000යි. 13,000ක් මනාප ලබා දුන්න මට අවසානයේ මනාප ඡන්ද එක් ලක්ෂ හැට දහස දක්වා ගෙනයන්න මහනුවර දිස්ත්රික්කයේ ජනතාව කටයුතු කළා. ඒ මැතිවරණ කාලයේ දි මට විවිධ අවලාද විවිධ චෝදනා එල්ල කළා. හැබැයි මහනුවර දිස්ත්රික්කයේ ජනතාව ඒ සියල්ල ප්රතික්ෂේප කරමින් මාව ගෙනිහිල්ලා මහනුවර දිස්ත්රික්කයේ ඉහළම තැන තිබ්බා.
නමුත් මේ මැතිවරණයේ දී ජනතාව වෙනත් තීන්දුවකට එළඹුනා. ඒ නිසා මම තීරණය කළා. මම මගේ දේශපාලන ජීවිතයෙ හැමදාම ජනතාවගේ තීන්දුවට හිස නමපු කෙනෙක්. ජනතාව මගෙත් එක්ක ඉන්නතාක්කල් මම දේශපාලනය කරනවා කියලා මතයක් දරපු කෙනෙක්.
ඒ නිසා මේ මැතිවරණයේ දි තීන්දු කළා ජනතාවගේ තීන්දුවට හිස නමලා දේශපාලනයෙන් සමුගන්න. ඒ නිසා මෙතෙක් මාව දේශපාලනයට ගෙනාපු මගෙත් එක්ක හිටගත්ත, මට හයියක් දුන්න හැම කෙනාටම මගේ පෞද්ගලික ස්තුතිය පිරි නමමින් ඔබ සියලු දෙනාට දළදා සමිඳු පිහිට පතිමින් මම නවතිනවා.” මහින්දානන්ද අලුත්ගමගේ කීවේය.
ඉන් පසුව ඔහු හමුවීමට පැමිණ සිටි පාක්ෂිකයන්ට ආචාර කරමින් පිටවි ගියේය.
