මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල විසින් මහවිරු සමරුව අලලා ප්රකාශ කළායැයි සංසරණය වන සාවාද්ය සහ නොමග යවනසුළු ප්රවෘත්තියක් සම්බන්ධයෙන් මහජන ආරක්ෂක අමාත්යාංශය නිවේදනයක් නිකුත් කර තිබේ..
“එල්.ටී.ටී.ඊ සංවිධානය තහනම් සංවිධානයක් වුවත් ඔවුන්ගේ බැනර්,ලාංඡන,ඡායාරූප යොදාගනිමින් මියගිය සාමාජිකයින් සැමරීමට බාධාවක් නොමැති” බවට මහජන ආරක්ෂක අමාත්ය ආනන්ද විජේපාල කළේ යැයි සඳහන් ප්රකාශය සහිත වීඩියෝව සංස්කරණය කර ඔහු ප්රකාශ කළ අර්ථය වෙනස් කළ ව්යාජ බව එම අමාත්යාංශය පවසයි.
මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල මහතා එම අවස්ථාවේ සදහන් කර සිටියේ “නීත්යානුකූලව තමන්ගේ ඥාතියෙකුගේ මියයාම සමරන්නට ඕනෑම කෙනෙකුට ඉඩ ඇති නමුත් මහවිරු සැමරුම් කරන්නට ඉඩකඩක් නොමැති බවත්, එල්.ටී.ටී.ඊ ලාංඡනය හෝ නිල ඇඳුම් හෝ එහි පින්තූර භාවිත කරන්නට ඉඩකඩ නොමැති බවත්ය.
එහිදී ඇමතිවරයා තවදුරටත් ප්රකාශ කර තිබුණේ ශ්රී ලංකාවේ නීතියට අනුව එල්.ටී.ටී.ඊ සංවිධානය තහනම් සංවිධානයක් වන බවයි. එමෙන්ම උතුර වේවා දකුණ වේවා නැගෙනහිර වේවා කඳුරට වේවා තමන්ගේ දරුවෙක් මිය ගියානම් ඒ දරුවා සිහිපත් කිරීමට අයිතියක් තිබෙන නමුත් සංවිධානයක් ලෙස තහනම් කල සංවිධානයක් යලි ස්මරණය කරමින් ඔවුන්ගේ සංවිධාන වල අධිපත්ය ස්ථාපනය කරන බවට සමාජයට ඒත්තු යෑමට ඉඩ නොදෙන බවත්ය.
මේ පිළිබඳව මහජන ආරක්ෂක අමත්යාංශය නිකුත් කරන ලද නිවේදනය පහත දැක්වේ.
