මනම්පිටිය නිමල් ජයරත්න –
අද (05) සවස සවස සිය මව සමග එළුවන් බැලීමට ගිය අට හැවිරිදි දරුවෙක් පොළොන්නරුව වැලිකන්ද නාගස්තැන්න ප්රදේශයේදී ඉසඩ්.ඩි. ප්රධාන ඇළට වැටි මියගොස් ඇති බව වැලිකන්ද පොලිසිය කියයි.
මෙලෙස අවාසනාවන්ත ලෙස මියගොස් ඇත්තේ වැලිකන්ද නාගස්තැන්න අංක 14 ලිපිනයේ පදිංචිව සිටි එම්.පී.ලශ්මික හේශාන් නැමැති පිරිමි දරුවෙකි.
දරුවා මව සමග එළුවන් බැලීමට ගොස් ඇති අතර,දරුවා නොමැති විට ඔහු නිවසට ගොස් ඇති බවට සැක සිතූ මව නිවසට ගොස් ඇත.
එවිට නිවසේ දරුවා නොසිට ඇති අතර මව ඉසැඩ්.ඩි.ඇල ප්රදේශයට ගොස් දරුවා ප්රදේශවාසීන් සමග සොයා ඈත.
පැය දෙකක පමණ මෙහෙයුමකින් අනතුරුව ප්රදේශවාසීන් දරුවාගේ සිරුර ඉසෙඩ්. ඩී.ඇලේ තිබී සොයා ගැන ඇති බව වැලිකන්ද පොලිස් ස්ථානාධිපති පොලිස් පරීක්ෂක එල්.පී.ජේ. කුමාරසිංහ අප කළ විමසීමකදී සඳහන් කළේය.
පසුව දරුවාගේ සිරුර පොලිස් ජිප් රථයකින් වැලිකන්ද රෝහලට ගෙනවිත් භාරදී තිබේ.
මරණය පිළිබඳ පශ්චාත් මරණ පරීක්ෂණ කටයුතුයි 06 වෙනිදා වැලිකන්ද හදිසි මරණ පරීක්ෂක කේ.ජී. ඩබ්ලිව්. බණ්ඩාරගේ ප්රධානත්වයෙන් පැවැත්වීමට නියමිතයි.
