සිය මවගේ අනියම් සැමියා විසින් මවට එල්ල කළ පිහි පහර වළක්වාලීමට ගැටුම මැදට පනිනු ලැබූ 13 හැවිරිදි දියණියක් පිිහි පහරට ලක්ව මිය ගොස් තිබේ.
මියගොස් ඇත්තේ පිළියන්ද ප්රදේශයේ පාසක 8වන ශ්රේණියේ ඉගනුම ලබන දැරියකි. ඇය සිය 15 හැවිරිදි වැඩිමල් සොයුරිය සහ මව සමග දෙමහල් නිවසක ඉහළ මහළ කුළියට ගෙන ජීවත් වෙමින් සිට ඇත.
දියණියන් දෙදෙනා සහ මේ කාන්තාව නිවසේ සිටින අවස්ථාවක පිහියක් ද සහිතව පැමිණි මෙම පුද්ගලයා කාන්තාවගේ වෙනත් ඇසුරක් පිළිබඳ චෝදනා කරමින් ඇයට පිහි පහර එල්ල කරද්දී දියණියන් දෙදෙනා එම ප්රහාරය වළක්වන්නට මැදිහත් වී තිබේ.
ඒ අවස්ථාවේ දී මෙම තැනැත්තා මේ බාල වයස්කාර දියණියන් දෙදෙනාට ද පිහියෙන් ඇන ඇත. අනතුරුව ඔහු සිය දිවි නසා ගැනීමට උත්සාහ කර ඇති බවත්, එය ව්යාර්ථ වීමෙන් පසු පොලිසියට භාරවීමට යන බව පවසමින් නික්ම ගොස් ඇති බවත් වාර්තා වේ.
කෙසේ වෙතත් ඒ අවස්ථාවේ සිට මේ තැනැත්තා අතුරුදහන් වී ඇත. තුවාල ලැබූ මව සහ දියණියන් දෙදෙනා වේරහැර හමුදා රෝහලට ඇතුළත් කර තිබේ. එහිදී අසාධ්ය තත්ත්වයේ සිටි 13 හැවිරිදි දියණිය මිය ගොස් තිබේ.
පොලිසිය අපරාධකරු සොයා පරීක්ෂණ පවත්වයි. මේ තැනැත්තාට මින් පෙර අවස්ථාවකදීත් මිනී මරුම් චෝදනා එල්ල වී ඇති බව පොලිසිය කියයි.
