දිනසේන රතුගමගේ –
මන්නාරමේ පොලිස් නිලධාරියෙකු ඇතුලුව තවත් උතුරේ වැසියන් 15 දෙනෙකු බෝට්ටුවක ආධාරයෙන් ඉන්දියාවේ ධනුස්කොඩි ප්රදේශයට ගොස් අද ( 25 ) ඉන්දියාවේ සරණාගතභාවය ඉල්ලා තිබේ.
මෙසේ ඉන්දියාවට ගිය 15 දෙනා අතර මන්නාරමේ පොලිස් නිලධාරියාගේ පවුලේ උදවිය ඇතුලු තවත් පවුල් තුනකට අයත් පුද්ගලයින් සිටින අතර වයස අවුරුදු 16 ට අඩු ළමයින් හතර දෙනෙක්ද ඒ අතර වෙයි.
මන්නාරමේ පොලිස් නිලධාරියාගේ පවුලේ තුන් දෙනා හැරෙන්නට අනෙක් සාමාජිකයින් දොළොස් දෙනාම යාපනයේ පදිංචි කරුවෝ වෙති.
මේ පිරිස ධනුස්කොඩි මුහුදු වෙරළට ළඟා වීමෙන් පසුව වෙරළාරක්ෂක නිලධාරින් විසින් ඔවුන්ව අත් අඩංගුවට ගෙන ධනුස්කොඩි පොලීසිය වෙත බාර දී තිබේ.
පොලීසිය මේ පිරිසගෙන් ප්රශ්න කිරීමෙන් අනතුරුව ඔවුන්ව සරණාගත කදවුරක් වෙත යොමු කෙරෙන බව ඉන්දීය මාධ්ය වාර්තා කළේය.
මේ පුද්ගලයින් 15 දෙනා සමග මේ වන විට පවුල් 16 කට අයත් පුද්ගලයින් 95 දෙනෙකු ගත වූ කාලය ඇතුළත ඉන්දියාවට ගොස් එහි සරණාගතභාවය ඉල්ලා තිබේ.
