දුම්කොළ හා මද්යසාර පිළිබඳ ජාතික අධිකාරිය (NATA) විසින් දුම්වැටි, මත්ද්රව්ය හා මද්යසාර බදුකරණය සඳහා නව බදු සූත්රයක් හඳුන්වා දීමට උත්සාහ කළ බව වාර්තා වූ නමුත් එය මෙතෙක් ක්රියාත්මක වී නැති බවත් රාජ්ය ආදායම වැඩි කර ගැනීම සඳහා දුම්වැටි, මත්ද්රව්ය, මද්යසාර භාවිතය අවම වන පරිදි බදු සූත්රයක් හඳුන්වා දීමට රජය මෙතෙක් ගෙන ඇති පියවර කවරේ දැයි විපක්ෂ නායක සජිත් ප්රේමදාස අද පාර්ලිමේන්තුවේ දී ප්රශ්න කළේය.
පාර්ලිමෙන්තුවේ ප්රශ්න ඇසීමේ 27 -2 යටතේ ප්රශ්නයක් ඉදිරිපත් කළ විපක්ෂ නායකවරයා අවධාරණය කළේ රජය ගෙන ඇති පියවර තුළ නීත්යනුකූූලමද්යසාර සහ දුම්වැටි භාවිතය පාලනය වී තිබුණද නීති විරෝධී මද්යසාර සහ දුම්වැටි භාවිතය ඉහළ ගොස් ඇති බවටද වාර්තා වන බවයි.
එහිදී විපක්ෂ නායකවරා විසින් කරන ලද සම්පූර්ණ ප්රකාශය මෙසේය.
මත්ද්රව්ය අධෛර්යමත් කිරීමට සෑම රටක්ම පාහේ ක්රියා කරනුයේ ජනතාවගේ සෞඛ්ය සුරැකීම ආර්ථික සහ සමාජ සංවර්ධන ක්රියාවලියේ මූලිකාංගයක් වන බැවිනි. මෙරට ද සෑම රජයක්ම පාහේ මත්ද්රව්ය, දුම්වැටි හා මද්යසාර භාවිතය අවම කිරීමට විවිධ ක්රියාමාර්ග ගනු ලැබීය. එම ක්රියාමාර්ග නිසා මද්යසාර හා දුම්වැටි නීත්යානුකූල ලෙස භාවිතා කිරීම අඩු වුව ද නීත්යානුකූල නොවන මත්ද්රව්ය, දුම්වැටි හා මද්යසාර භාවිතය ඉහළ ගොස් ඇති බව වාර්තා වේ.
දුම්වැටි හා මද්යසාර බදුකරණය තුළින් රාජ්ය ආදායම් ප්රවර්ධනය සෑම රජයකම අරමුණක් වුව ද මෙරට මද්යසාර හා දුම්වැටි බදුකරණය පිළිබඳ ස්ථිර ප්රතිපත්තියක් නොමැති වීම, බදු ගණනය කිරීම් වලදී සිදුවන දූෂණ මෙන්ම බදු ගෙවීමේ දී දුම්වැටි හා මද්යසාර නිෂ්පාදන ආයතන විසින් සිදු කරනු ලබන අක්රමිකතා නිසා රජයට ලැබිය යුතු විශාල බදු ආදායමක් අහිමි වන බව පෙනී යයි.
මේ නිසා, ජනතාවගේ සෞඛ්ය තත්ත්වය ඉහළ නැංවීම වෙනුවෙන් මත්ද්රව්ය නිවාරණය, සෞඛ්ය සඳහා වන පිරිවැය අවම කිරීම සහ ආදායම් ස්ථාවරත්වය අරමුණු කරගත් මත්ද්රව්ය, දුම්වැටි හා මද්යසාර පිළිබඳ ජාතික ප්රතිපත්තියක් අනුගමනය කිරීම කාලෝචිත වේ. ඒ සඳහා මෙරට මද්යසාර භාවිතය සෑම ආකාරයකින් ම අවම වීම සිදු කළ හැකි ආකාරයේ නිර්දේශ ඉදිරිපත් කරමින් ඒවා ක්රියාවට නැංවීම කඩිනමින් සිදු කළ යුතුයි. එපමණක් නොව, ප්රතිපත්ති සකස් කිරීමේ දී ජනතාව විසින් පාරිභෝජනය කරනු ලබන දුම්වැටි හා මද්යසාර සඳහා නිසි ප්රමිතියක් පවත්වා ගැනීමට කටයුතු කිරීම ද අත්යාවශ්ය කරුණක් වේ.
තව ද සියලුම මද්යසාරවල බදු නිසි නියාමනයකින් යුතුව ඉහළ දැමීම සිදු කළ යුතුයි. දුම්වැටි හා මද්යසාර බදු ගණනය කිරීම් වල දී එය විධිමත් යාන්ත්රණයකට නතු කළ යුතුයි.
ඒ අනුව, මෙය ජාතික වැදගත්කමකින් යුතු ගැටලුවක් වශයෙන් සලකා පහත සඳහන් ප්රශ්න වලට නිශ්චිත පිළිතුරු හා පැහැදිලි කිරීම් රජයෙන් බලාපොරොත්තු වෙමි.
- දුම්වැටි සහ මද්යසාර භාවිතය අවම කිරීම සම්බන්ධයෙන් රජයේ ප්රතිපත්තිය කුමක් ද?..
- පසුගිය වසරේ දුම්වැටි හා මද්යසාර මගින් ලැබෙන බදු ආදායම වෙන් වෙන් වශයෙන් කොපමණ ද? එය සමස්ත රාජ්ය ආදායමෙන් කොපමණ ප්රතිශතයක් ද? දුම්වැටි හා මද්යසාර මගින් ප්රමාණවත් බදු මුදලක් අය වන්නේ යැයි රජය සිතන්නේ ද? නොඑසේනම්, ඉදිරියේ දී මෙමගින් අය කෙරෙන බදු ප්රමාණයන් ඉහළ නැංවීමට රජය කටයුතු කරන්නේ ද?
- දුම්වැටි හා මද්යසාර සඳහා බදු අය කරනු ලබන ක්රමවේදය කුමක් ද? ගෙවිය යුතු බදු නිශ්චය කිරීමේ දී දුම්වැටි හා මද්යසාර නිෂ්පාදිත ප්රමාණයන් ගණනය කරනු ලබන යාන්ත්රණය කුමක් ද? එහි පාරදෘශ්යභාවය පිළිබඳ විශ්වාසයක් තැබිය හැකි ද?
- දුම්කොළ හා මද්යසාර පිළිබඳ ජාතික අධිකාරිය (NATA) විසින් දුම්වැටි, මත්ද්රව්ය හා මද්යසාර බදුකරණය සඳහා නව බදු සූත්රයක් හඳුන්වා දීමට උත්සාහ කල බව වාර්තා වූ නමුත් එය මෙතෙක් ක්රියාත්මක වී නැත. රාජ්ය ආදායම වැඩි කර ගැනීම සඳහා සහ දුම්වැටි, මත්ද්රව්ය, මද්යසාර භාවිතය අවම වන පරිදි බදු සූත්රයක් හඳුන්වා දීමට රජය කටයුතු කරන්නේ ද? ඒ සඳහා රජය විසින් ගෙන ඇති පියවර කවරේ ද?
- පසුගිය වසරේ දුම්වැටි හා මද්යසාර භාවිතය හේතුවෙන් සෞඛ්ය අංශය සඳහා රජයට දැරීමට සිදුව ඇති වියදම කොපමණ ද? එය පෙර වසර හා සැසඳීමේ දී වැඩිවීමක් ද? අඩුවීමක් ද?
- දුම්වැටි හා මද්යසාර පිළිබඳ ජාතික අධිකාරී පනත තුළ සඳහන් වන පරිදි දුම්වැටි හා මද්යසාර පිළිබඳව මාධ්ය ඔස්සේ ප්රචාරය කිරීම තහනම් වුව ද වක්රාකාරව විවිධ ප්රචාරණයන් සිදු වේ. එවැනි වක්රාකාරයෙන් සිදුවන ප්රචාරක දැන්වීම් වළක්වාලීම සඳහා රජය විසින් ක්රියාමාර්ග ගෙන තිබේ ද? ඒ මොනවා ද?
- අධ්යාපන අමාත්යාංශය මගින් දරුවන්ට දුම්වැටි හා මද්යසාර නිවාරණ අධ්යාපනයක් ලබා දීමේ වැඩපිළිවෙලක් ක්රියාත්මක වන්නේ ද? එම වැඩපිළිවෙල සම්බන්ධයෙන් යම් ඇගයීමක් සිදු කර තිබේ ද? එසේනම්, එහි යම් ප්රගතියක් පවතී ද?
