(සූරියවැව නුවන් ජයසේකර )
මෝටර් රථයකින් ගොස් අයිස් මත්ද්රව්ය බෙදා හැරීමේ ජාවාරමක නිරත වූ පුද්ගලයෙකු තංගල්ල කොට්ඨාස අපරාධ විමර්ශන ඒකකයේ නිලධාරීන් කණ්ඩායමක් විසින් අද (03) අත් අඩංගුවට ගෙන වැඩිදුර විමර්ශන කටයුතු සඳහා අම්බලන්තොට පොලිස් ස්ථානය වෙත භාරදී තිබේ.
මෙලෙස අත්අඩංගුවට ගෙන ඇත්තේ බෝලාන, රුහුණු රිදියගම,අම්බලන්තොට ප්රදේශයේ පදිංචි 20 හැවිරිදි තරුණයෙකි.
සැකකාර තරුණයා පිළිබඳව තංගල්ල කොට්ඨාස අපරාධ විමර්ශන ඒකකයේ නිලධාරීන්ට ලද තොරතුරකට අනුව මෙම වැටලීම සිදුකර තිබේ.
එහිදී සැකකරු මත්ද්රව්ය ප්රවාහනය කරමින් තිබූටර් රථයේ තිබී අයිස් මත්ද්රව්ය ග්රෑම් 50යි මිලිග්රෑම් 150ක් අත් අඩංගුවට ගෙන ඇත. සැකකරු අයිස් මත්ද්රව්ය තොග වශයෙන් ප්රදේශයේ විවිධ පුද්ගලයන්ට බෙදාහැරීමේ නිරත වූ පුද්ගලයෙකු බවට ප්රශ්න කිරීමේදී අනාවරණය වී තිබේ.
සැකකරු 2025.10.31 වන දිනද තීරු බදු රහිත විදෙස් දුම් වැටී සන්තකයේ තබා ගැනීමේ වරදට අම්බලන්තට පොලිසිය මගින්ද මීට පෙර අත්අඩංගුවට පත්ව ඇති අයෙකි..
සැකකරු වැඩිදුර විමර්ශන කටයුතු සඳහා අම්බලන්තොට පොලිස් ස්ථානයට ඉදිරිපත් කර ඇති අතර ඔහු හම්බන්තොට මහේස්ත්රාත් අධිකරණයට ඉදිරිපත් කිරීමට නියමිතය.
තංගල්ල කොට්ඨාස අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක වසන්ත කුමාර ඇතුළු නිලධාරීන් කණ්ඩායමක් විසින් සැකකරු අත්අඩංගුවට ගෙන තිබේ.
