ජනපතිවරණයට අදාළ මැතිවරණ රෙගුලාසි උල්ලංඝණය වන අන්තර්ගතයන් ඉවත් කරන බවට යූ ටියුබ්, ෆේස්බුක්, ඒවිටර් සහ ඉන්ට්රාග්රාම් වැනි සමාජ මාධ්ය හිමි ආයතන මේ වනවිට එකඟතාව පළ කර ඇත.
ඔවුන් සමඟ මේ පිළබඳව කළ සාකච්ඡාවේදී එවැනි අන්තර්ගතයන් ඉවත් කිරීමට ඔවුන් එකඟ වූ බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක සන්ඩේ ටයිම්ස් පුවත් පත වෙත ප්රකාශ කර තිබේ.
එවැනි තොරතුරු සමාජ මාධ්ය වේදිකාවල පවතින බවට කොමිෂන් සභාව විසින් කරනු ලබන දැනුවත් කිරීමකින් පැයක් ඇතුළත ඒවා ඉවත් කරන බවට මෙම සමාගම් නියෝජිතයන් මැතිවරණ කොමිසමට සහතිකයක් ලබා දුන් බව සභාපතිවරයා පවසයි.
එසේම නොකඩවා අහිතකර අන්තර්ගතයන් යම් යම් පුද්ගලයන් සිය සමාජ මාධ්ය ගිණුම් තුළ පළ කළහොත් මැතිවරණ කාලය සඳහා අදාළ ගිණුම් අක්රිය කරවීමටද හැකියාව පවතින බව මැතිවරණ කොමිසමේ සභාපතිවරයා තවදුරටත් ප්රකාශ කරයි.
ඒ සඳහා සමාජ මාධ්ය නිරීක්ෂණය කිරීමේ හැකියාව ඇති ආයතනවල සේවය මැතිවරණ කොමිෂන් සභාව විසින් ලබාගෙන ඇති බව ද ඔහු පවසයි.
