බොරළුගොඩ සිංහයාගේ පුත්ර රත්නය වූ ජනාධිපති තුමාගේ පන්ති මිත්රයා අගමැතිවරයා ලෙස ව්යවස්ථා දායක සභාව පාර්ලිමේන්තුවේ කොටසක් බවට අර්ථකථනය කරද්දී එතුමන්ගේ පන්ති මිත්ර ජනාධිපතිවරයා ජනාධිපති පුටුවෙ සිට ව්යවස්ථා දායක සභාව විධායකයේ කොටසක් බව කී බවත්, ශ්රේෂ්ඨාධිකරණයේ තීන්දුව ප්රතික්ෂේප කිරීම සඳහා අගමැතිවරයා ව්යවස්ථාදායක සභාවට පාර්ලිමේන්තුවේ කොටසක් බවට අර්ථ නිරූපණය කළ බවත් රවුෆ් හකීම් මන්ත්රිවරයා අද පැවසුවේය.
මන්ත්රීවරයා පෙන්වා දුන්නේ අනුර බණ්ඩාරනායක හිටපු කථානායකවරයා විසින් ශ්රේෂ්ඨාධිකරණය සම්බන්ධව ලබා දුන් තීන්දුව වලංගු වන්නේ ව්යවස්ථා දායකයේ කරුණුවලට පමණක් බවත් ජනාධිපතිවරයා විසින්ම ප්රකාශ කර ඇති ආකාරයට විධායකයේ කොටසක් වූ ව්යවස්ථා දායක සභාවේ තීන්දු සම්බන්ධව ලබා දෙන ශ්රේෂ්ඨාධිකරණ තීන්දු ප්රශ්න කළ නොහැකි බවත්ය.
හකීම් මන්ත්රිවරයා මෙසේ පැවසුවේය.
“අද ව්යවස්ථාදායක සභාව පාර්ලිමේන්තුවෙ ඒ කියන්නේ ව්යවස්ථාදායකයේ කොටසක් කියලා අගමැතිවරයා කිව්වා. ඒ්ත් ජනාධිපතිවරයා එදා ඇවිත් මේක ව්යවස්ථාදායකයේ කොටසක් කිව්වා.
කථානායක තුමනි. අපි ඕන වෙලාවට මේව හරව හරව අර්ථ නිරූපණය කරන එක නවත්වා ගන්න ඕන. ඔබතුමා අපි සියලු දෙනා එකතුවෙලා අප විසින් පත් කළ නායකයා. ඔබතුමා අපිව බලාගන්න ඕන.
ඔබතුමාගේ පැත්තෙන් ඔබතුමා ව්යවස්ථාදායක සභාව පැත්තෙන් ගත්ත තීරණයක් තමයි අභියෝයට ලක් කරමින් තමයි ඒ නඩුව ගොනු කළේ. ඒ නඩුවේ ඔබතුමාගේ තීරණය පිළිබඳව සැලකිල්ලට අරන් ඔබතුමාගේ නිදහසට කරුණු දැක්වූ නීතිපතිතුමාගේ තර්කයත් සැලකිල්ලට අරගෙන තමයි මේ ශ්රේෂ්ඨාධිකරණ තීන්දුව වෙනත් පුද්ගලයෙකුගේ ධූරය පිළිබඳ ලබා දීලා තියෙන්නේ.
ඒක ඔබතුමාට අයිති දෙයක් නෙමෙයි.
ඔබතුමා ඒකෙ පැටලෙන්න එපා. ඔබතුමා ගොදුරක් කරලා ජනාධිපතිතුමා අපේක්ෂකයෙක් ලෙස කරන මැතිවරණයකට තමන්ට ඕන පොලිස්පතිවරයෙක් තියාගෙන ඕනෑම ජඩ කමක් කරන්න ඔබතුමා ඉඩ දෙන්න එපා.
ඔබතුමාට මම පැහැදිලිව කියනවා. මේක ව්යවස්ථාවේ තුන්වැනි සහ හතරවැනි වගන්තිය ගැන ඕනෑ තරම් නඩු තීන්දු තියනවා. අර්ථකථනය කරලා තියනවා. මේක නඩුත් හාමුදුරුවන්ගේ බඩුත් හාමුදුරුවන්ගේ වගේ කතාවක්. ඔබතුමා ඒකෙ ගොදුරක් වෙන්න එපා. මේ හදන්නේ ඉතාම ව්යවස්ථාදායකය සහ අධිකරණය අතර ගැටුමක් ඇති කරලා රට ඉතාම නරක තැනකට දාන්න. ඒ අපරාධයට හවුල් වෙන්න එපා.
යන යකා කොරහත් බිඳගෙන යන්න හදන්නේ. ඔබතුමා එහි ගොදුරක් වෙන්න එපා….
