සූරියවැව නුවන් ජයසේකර –
බාලවයස්කාර පිරිමි දරුවන් දෙදෙනෙකු අපයෝජනය කිරීමේ සිද්ධියකට අදාලව රක්ෂිත බන්ධනාගාර ගත කර සිටි කතරගම ගෝතමිගම මහා විද්යාලයේ විදුහල්පති යළි ලබන 04 වන දින දක්වා රක්ෂිත බන්ධනාගාර ගත කරන ලෙස තිස්සමහාරාම මහේස්ත්රාත් හා අතිරේක දිසා විනිසුරු තරංග සමීර සිල්වා ඊයේ (28) නියෝග කර ඇත.
මෙලෙස රක්ෂිත බන්ධනාගාරගත කෙරුණේ කතරගම ගෝතමිගම මහා විද්යාලයේ විදුහල්පති ය.
සැකකාර විදුහල්පති විසින් කලක සිට පාසලේ බාලවයස්කාර පිරිමි සිසුන් දෙදෙනෙකු බරපතළ ලිංගික අපයෝජනයට ලක් කර ඇතැයි අනාවරණය වී ඇත.
එම සිද්ධිය සම්බන්ධයෙන් කතරගම පොලිසියට ලද පැමිණිල්ලකට අනුව කතරගම පොලිසිය හා කොළඹ ළමා ආරක්ෂණ ඒකකයේ නිළධාරීන් එක්ව විදුහල්පති අත්අඩංගුවට ගෙන අධිකරණයට ඉදිරිපත් කිරීමෙන් පසු ඔහු රක්ෂිත බන්ධනාගාර ගත කෙරුණි.
පසුව ඊට අදාල නඩුව ඊයේ යළි තිස්සමහාරාම මහේස්ත්රාත් අධිකරණයේ කැඳවු අතර එහිදී සැකකාර විදුහල්පති යළි ලබන මස 04 වන දින දක්වා රක්ෂිත බන්ධනාගාරගත කිරීමට අධිකරණය නියෝග කළේය.
සැකකාර විදුහල්පති වරයා බන්ධනාගාර නිළධාරීන් විසින් අධිකරණයට රැගෙන එන අවස්ථාවේ අගතියට බත් දරුවන්ට සාධාරණය ඉටු කර දෙන ලෙස ඉල්ලා දෙමාපියන් පිරිසක් තිස්සමහාරාම මහේස්ත්රාත් අධිකරණය ඉදිරිපිට නිහඬ විරෝධතාවයක ද නිරත විය.
