එක් පුද්ගලයකුට මරණය අත් කර දෙමින් අද අලුයම වැලිගම කප්පරතොට දී එල්ල වූ වෙඩි පුහාරය පසුගියදා මාතර බන්ධනාගාරයේ බෝ අත්තක් කඩා වැටීම හේතුවෙන් මරණයට පත් රැඳවියකුගේ මළ ගෙදරට ගොස් ආපසු එමින් සිටි පිරිසක් ඉලක්ක කර ගත් එකක් බව පොලිසිය අනාවරණය කරගෙන තිබේ.
පස් දෙනකුගෙන් යත් මෙම පිරිස වැලිගම කප්පරතොට වල්ලිවෙල මාර්ගයේ ගමන් කරමින් සිට ඇති අතර එයින් දෙදෙනකු ඉලක්ක කරගෙන වෙඩි පුහාරය එල්ල වී තිබේ. ඔවුන්ගෙන් එක් පුදගලයකු මිය ගොස් ඇති අතර අනෙක් පුද්ගලයා මේ වන විට මාතර රෝහලේ ප්රතිකාර ලබයි.
වෙඩි තැබීම අද අලුයම එකට පමණ සිදුව ඇති අතර යතුරුපැදි තුනකින් පැමිණි නාඳුනන පිරිස 1ට පමණ වෙඩි තබා = පලාගොස් ඇත.
තුවාල ලැබූ පුද්ගලයා වැලිගම වලාන රෝහල වෙත රැගෙන ගොස්, පසුව මාතර මහ රෝහල වෙත මාරුකර යවා තිබේ.
වෙඩි වැදීමෙන් මියගොස් ඇත්තේ කප්පරතොට ප්රදේශයේ පදිංචිව සිටි 26 හැවිරිදි තරුණයෙකි. තුවාල ලැබූ පුද්ගලයා ද එම ප්රදේශයේම පදිංචි 29 හැවිරිදි පුද්ගලයකු බව පොලීසිය පවසයි. මේ වන විට සිද්ධිය පිළිබදව වැලිගම පොලිසිය විමර්ශණ ආරම්භ කර ඇත. .
