පෝට් සිටි පරිශ්රයේ වෘත්තීය මට්ටමේ ඡායාරූප සහ වීඩියෝ රූගත කිරීම් සඳහා අවම වශයෙන් රුපියල් තිස් දහසේ සිට රුපියල් ලක්ෂයද ඉක්මවා මුදල් අය කිරීමටත් එම ගෙවීම් බෑන්ක් ඔෆ් චයිනා බැංකුවට ගෙවිය යුතු බවට නිර්දේශ කිරීමටත් වරාය නගරය කළමනාකරණය කරන චීන සමාගම පියවර ගෙන ඇත.
මෙම අය කිරීම් දැනට විවෘතව ඇති මහජන ගැලරිය පරිශ්රයේ සෙල්ෆි ඡායාරූප හො වීඩියෝ ගත කිරීම් සහා අදාළ නොවුවද වෘත්තීය මට්ටමේ කැමරා උපකරණ රැගෙන එන්නේ නම් ඔවුන්ගෙන් මෙම මුදල අය කිරීමට තීරණය කර ඇතයි පෝට් සිටි සමාගමේ මහජන සම්බන්ධතා අංශ ප්රධානී කස්සප සෙනරත් ඩේලි මිරර් පුත් පත වෙත ප්රකාශ කර තිබේ.
පෝට් සිටි කලම්බු විසින් හඳුන්වා දුන් ගෙවීම් පත්රිකාවක් ඊයේ සමාජ මාධ්ය තුළ දැඩි ලෙස හුවමාරු වූ අතර එහි සඳහන් වූයේ පුද්ගලික භාවිතය සඳහා වෘත්තීය ඡායාරූප සහ වීඩියෝ ගැනීමට අවශ්ය නම් රුපියල් 30,000 ත් 50,000 ත් අතර මුදලක් ගෙවීමට සිදුවන බවයි.
වාණිජ අරමුණු වෙනුවෙන් සිදු කරන ඡායාරූප ගත කිරීම් සහ වීඩියෝගත කිරීම් සඳහා දැඩි ඉල්ලුමක් පවතනි තත්වයක් නිරීක්ෂණය කළ බවත් තව දුරටත් ඉදිරි කිරීම් කටයතු සිදු කරනවන තත්ත්වයක් තුළ මෙහි එවැනි කටයතු සිදු කිරීමේ දී සේවකයන්ටත් පැමිණෙන්නන්ටත් බාධා සහ අනතුරු දායක තත්ත්ව ඇති විය හැකි බැවැන් මෙලෙස ගාසතුවක් පැනවීමට කටයුතු කළ බවත් එහිදී කස්සප සෙනරත් ප්රකාශ කර ඇත
‘පුද්ගලික’ ගෙවීමේ පත්රිකාවට අනුව, රූගත කිරීම් සඳහා පැය තුනක කාලයක් සඳහා පුද්ගලයින් 2 සිට 5 දක්වා පුද්ගලයින් සම්බන්ධ වුවහොත්, රුපියල් 30,000 ක මුදලක් අය කරනු ලබන අතර 6 සිට 10 දක්වා පුද්ගලයින් සිටී නම්, එම කාලය සඳහා මුදල රුපියල් 50,000 ක් වනු ඇත.
වාණිජමය අරමුණු සඳහා ඡායාරූප හෝ වීඩියෝගත කිරීම් සිදුකරන්නේ නම් එකම කාලසීමාව සඳහා ඡායාරූප හෝ වීඩියෝ රූගත කිරීම්වලට සම්බන්ධ වූ පුද්ගලයින් 10 දෙනෙකුට වඩා අඩු නම්, රුපියල් 100,000 ක මුදලක් අය කෙරෙනු ඇත. තවද එම කාල සීමාව සඳහා පුද්ගලයන් 10 දෙනෙකුට වඩා වැඩි නම්, අය කරන ලද මුදල වෙනස් විය හැකි බව පවසන පෝට් සිටි කලමනාකාරීත්වය එම මුදල් බෑන්ක් ඔෆ් චයිනා බැංකුව වෙත ගෙවය යුත බවද දන්වා ඇත.
පෝට් සිටි කොළඹ මහජන ගැලරිය පසුගියදා විවෘත කළ අවස්ථාවේදී සමාජ මාධ්ය භාවිතා කරන්නන්, සංගීතඥයන් සහ සමාගම් පවා සිය නිෂ්පාදන සහ වීඩියෝ රූගත කිරීම සඳහා වෘත්තීය කැමරා උපකරණ රැගෙන එම පරිශ්රයට පැමිණි බොහෝ දෙනෙක් සිටි බව ඔහු පැවසීය. එය අලුතින් විවෘත කරන ලද පෝට් සිටි පරිශ්රයේ ප්රවර්ධන කටයුත්තක් බවට ද ඇතැම් සමාජ මාධ්ය භාවිත කරන්නන් පැමිණ තිබුණි.
මේ පිළිබඳව තවදුරටත් අදහස් දක්වමින් කස්සප ඩේලි මිරර් පුවත් පතට ප්රකාශ කොට ඇත්තේ පෝට් සිටි තවමත් ඉදිකිරීම් ස්ථානයක් බැවින්, සියලුම සෞඛ්ය මාර්ගෝපදේශ දැඩි ලෙස අනුගමනය කළ යුතු අතර, ජනතාවගේ ආරක්ෂාව පවත්වා ගත යුතු බැවින්, වැඩබිමේ සිටින සේවකයින්ට මෙම ඡායාරූපකරණ කටයුතු බාධාවක් බවයි.
“සමහර අය විශාල උපකරණ පවා අරගෙන ආවා ඒ නිසා අපි එදා තීරණය කළා ඕනෑම කෙනෙකුට තම වෘත්තීය කටයුතු සඳහා පරිශ්රය භාවිතා කර ආදායමක් උපයා ගැනීමට අවශ්ය නම් ගාස්තුවක් අය කරන බව. එය ලාභ ලැබීමට නොව පෝට් සිටි තවමත් ඉදිකිරීම් ස්ථානයක් ලෙස පවතින සම්මුති සහ සෞඛ්ය මාර්ගෝපදේශ රැක ගැනීමට කරන උපක්රමයක් ලෙසයි.“ ඔහු පවසයි.
