-
තමන් නැතිව අනුරාධපුරයට ඇවිත් ඡන්දය කර පෙන්වන්යි එස්.එම්. චන්ද්රසේන නාමල්ට අභියෝග කරයි… එයා නෙමෙයි… එයාට වඩා ලොකු කෙනෙක් ආවත් බෑ… එස්.එම් තහවුරු කර කියයි!
අරගලයේ පවතින අවස්ථාවේ කොළඹට මිනිසුන් ගාල් කර රැස්වීම් තබා රටේ මිනිස්සු කුපිත කර පොහොට්ටුවේ ප්රබලයින්ට ඉන්න හිටින්න තැන් නැතිකළේත්, අද පොහොට්ටුව මේ ආකාරයට බෙදෙන තැනට වැඩ කළේත් නාමල් රාජපක්ෂ සහ ඔහුගේ කණ්ඩායම බව පොහොට්ටුවේ අනුරාධපුර දිස්ත්රික් සංවිධායක ධූරයෙන් ඉවත් කළ එස්.එම්. චන්ද්රසේන පැවසුවේය.
ඊයේ (03) අනුරාධපුරයේ දී මාධ්ය අමතමින් ඔහු පැවසුවේ නාමල් රාජපක්ෂට නායකයා වීමේ පුදුමාකාර හදිස්සිය පොහොට්ටුවට මේ ව්යසනය කැඳවූ බවය.
අද තමන්ගේ නායකත්වයට අනුරාධපුරයට පැමිණ අභියෝග කරන නාමල් රාජපක්ෂට හැකිනම් කර පෙන්වන ලෙසත්, නාමල් රාජපක්ෂක වැනි පුද්ගලයින් සමග දේශපාලනය කරනවාට වඩා තමන් ගත් තීරණය යහපත් යැයි සිතෙන බවත් එස්.එම්. චන්ද්රසේන කීවේය. මේ වනවිට පොහොට්ටුවේ දිස්ත්රික් නායක ධූරයෙන් එස්.එම්. චන්ද්රසේන ඉවත් කර ඒ සදහා නාමල් රාජපක්ෂ නිල වශයෙන් පත් කර තිබේ.
ඊයේ අනුරාධපුරයේ දී මාධ්ය අමතා ඔහු කීවේ මෙවැන්නකි.
නාමල් රාජපක්ෂ මැතිතුමා බොහොම කලබල වෙලා වැඩියි. ජනතාවගේ මේ වෙලාවෙ ඉල්ලීම තිබුනෙ රනිල් වික්රමසිංහ ජනාධිපතිතුමාට අපි උදව් කරන්න ඕන. උදවු කරලා අපි ඊලඟ මහ මැතිවරණයේදි පොහොට්ටුවෙන් අපි තරග කරමු කියලා පැහැදිලිවම කිව්වා.
ඒ ඉල්ලීම තුට්ටුවකට ගණන් ගන්නෙ නැතිව, ශත පහකට ගණන් ගන්නේ නැතිව නාමල් රාජපක්ෂ මැතිතුමාගෙ උවමනාව මත තමයි සියල්ලම සිද්ධ වුනේ මම දන්න විදිහට. එතුමාට බොහෝම හදිස්සියක් තියනවා මේ දේශපාලනයේ එතුමා නායකයා වෙන්න.
ඒ නිසා තමයි එතුමා හැමතැනම දුවලා ඔය දඟලන්නේ.
කෙසේ වුනත් එතුමාට ඇවිල්ලා මේ අනුරාධපුර දිස්ත්රික්කයේ දේශපාලනය කරන්න හම්බවෙන්නෙ නෑ. එතුමා ඉතිහාසය දන්නේ නෑ නෙ.
2005 ජනාධිපතිවරණයට එතුමාගේ පියා මහින්ද රාජපක්ෂ ජනාධිපතිතුමාට ජනාධිපති අපේක්ෂත්වය නොදී ඉන්න චන්ද්රිකා බණ්ඩාරනායක මැතිනිය කටයුතු කරන වෙලාවේ දි මම තමයි ඉස්සරවෙලාම යෝජනා කළේ මෙතුමාට අපේක්ෂකත්වය දෙන්න ඕන කියලා
අද ඇවිත් නාමල් රාජපක්ෂ මන්ත්රීතුමා මට එරෙහිව මගේ නායකත්වයට අභියෝග කරන්න පුලුවන් විදිහට ඇවිත් රැස්වීමක් තියලා තියනවා… මන්ත්රිවරු වැඩිම උනොත් පහළොවක් ඉන්න ඇති.
නමුත් නම් වශයෙන් පුලුවන්නම් ඉදිරිපත් කරන්න කියන්න අහවල් මන්ත්රීවරයා අහවල් මන්ත්රීවරයා කියලා. ඇවිල්ලත් හුඟක් වෙලා ඉඳලා ඔය මන්ත්රීවරුන් කීපදෙනෙක් පාරෙ යන අය එකතු කරන් ඇවිත් රැස්වීමක් තියලා ගිහින් තියනවා.
ඕක දේශපාලනය නෙමෙයි.
ඒ වගේම නාමල් රාජපක්ෂ මැතිතුමා කියනවා මම දැක්කා එස්.එම් චන්ද්රසේනලගෙ ශෙහාන් සේමසිංහ ඇතුළු අයගේ ගෙවල් ගිනි ගත්ත එක හොඳයි කියලා.
මම එතුමාට කියනවා එතුමා ගෙ වැරදි හින්දා තමයි අපට එදා දවසේ ඒ වගේ තත්ත්ව වලට මුහුණ දෙන්න සිද්ධ වුනේ. අතුකෝරල මන්ත්රී තුමා වගේ අයට ජීවිත පූජා කරන්න සිද්ධ වුනේ. එදා අරගලය දවසෙම රැස්වීම් පවත්වලා ඒ කරපු කටයුත්ත නිසයි අපට මේ තත්ත්වලට මුහුණ දෙන්න සිද්ධ වුනේ.
මේ වගේ අයත් එක්ක දේශපාලනය කරනවට වැඩිය අප තෝරාගත්ත මග හොඳයි කියලා අප කල්පනා කරනවා. ඉතින් මගේ අඩුපාඩුව පුරවන්න නාමල් නාමල් රාජපක්ෂ මැතිතුමාට තියා මම හිතන්නේ නෑ ඊට වඩා ලොකු කෙනෙකුටවත් ඇවිත් කරන්න පුලුවන් වේවි කියලා.
කවුරු ජනාධිපතිවරණයෙන් ජනාධිපති වුනත් ජානධිපති වෙලා සැප්තැම්බර් මාසේ 21 ඉඳලා සතියක් යනකොට පාර්ලිමේන්තුව විසුරුවා හරිනවා. එතකොට උසාවි යනකොටම කාලය ඉවරයි. මාසෙකට එකහමාරකට ගනන්වා කියන ක්රියාමාර්ග බොරු. ඒවා නිකම් මිනිස්සු රවට්ටන්න බය කරන්න කියන දේවල්. ඕවට බය වෙන්නෙ නෑ මොළේ කඳුලක් තියන අය.
