මාධ්යවේදී චමුදිත සමරවික්රම පදිංචි පිළියන්දළ නිවසට ප්රහාරයක් එල්ල කිරීම සම්බන්ධයෙන් ප්රකාශයක් සටහන් කර ගැනීම සඳහා අද (23) දින පිලියන්දළ පොලිසියට කැඳවන ලද හිටපු ශ්රී ලංකා විවාහක රූ රැජිණ පුෂ්පිකා ද සිල්වා අද දින එම ප්රකාශය ලබා දීම සඳහා පොලිසියට පැමිණ නොමැති බව වාර්තා වේ.
අද පෙරවරුවේ ඇය පැමිණීමට නියමිතව තිබුණද ඇය නීතීඥවරයකු මාර්ගයෙන් පොලිසිය වෙත දන්වා ඇත්තේ තමන්ට අද දින එම ප්රකාශය ලබා දීමට නොහැකි අතර ලබන 27 වැනිදා පස්වරුවේ පැමිණ ප්රකාශය ලබා දීමට කටයුතු කරන බවය.
පසුගියදා චමුදිතගේ නිවසට අලුයම් කාලයේදී පුද්ගලයන් සිව් දෙනකුගෙන් යුත් කණ්ඩායමක් විසින් ගල් සහ අසූචි පුහාරයක් එල්ල කරන ලද අතර මේ වනවිට පොලිස් කණ්ඩායම් කිහිපයක් විසින් මේ සම්බන්ධයෙන් පරීක්ෂණ සිදු කරනු ලබයි.
පුෂ්පිකා ද සිලවා පොලිසියට කැඳවා ඇත්තේද මේ සම්බන්ධයෙන් ප්රකාශයක් ලබා ගැනීම සඳහා ය.
ඇය පසුගිය දිනවල චමුදිත සමරවික්රම සමඟ යූ ටියුබ් නාළිකා සාකච්ඡා කිහිපයක්ද පැවැත්වූවාය. චමුදිත වෙනත් පුද්ගලයින් සමග සිදු කරන ලද සමමුඛ සාකච්ඡා කිහිපයකදී ද ඇය ගැන කරුණු සඳහන් විය.
