පුනර්ජනනීය බලශක්ති ක්ෂේත්රයේ ප්රගතිය සම්බන්ධයෙන් ඉන්දියාවේ අභිලාෂ මට්ටම ඉතාමත් ඉහළ බව ප්රංශ ජනාධිපති එම්මානුවෙල් මැක්රොන් පවසා ඇතැයි ‘ඒඑන්අයි’ පුවත් සේවය වාර්තා කරයි.
ඔහු මේ බව පවසා ඇත්තේ එක්සත් ජාතීන්ගේ COP27 සමුළුව අමතමිනි.
රුසියා හා යුක්රේන යුද්ධය හේතුවෙන් මතුව ඇති බලශක්ති හා ආහාර අර්බුදය නොතකමින් දේශගුණයට ප්රමුඛතාවය ලබා දිය යුතු බවත්, ගැඹුරු මුහුදේ සියලු කැණීම් තහනම් කළ යුතු බවත් ප්රංශ ජනාධිපතිවරයා සමුළුව අමතමින් ප්රකාශ කළේය.
“දේශගුණය සඳහා වෙන සටන, ජෛව විවිධත්වය සඳහා වන සටනින් වෙන් කළ නොහැකියි. මේ දෙකම එකම කාසියක දෙපැත්තක්..” වැඩිදුරටත් අදහස් පළ කළ ජනාධිපතිවරයා ඉන්දියාව හා ප්රංශය සූර්ය බලශක්ති විසඳුම් භාවිතා කරමින් දේශගුණික විපර්යාසයන්ට එරෙහිව නැඟී සිටීම වෙනුවෙන් ජාත්යන්තර සූර්ය සන්ධානය (ISA) ආරම්භ කළ බවත් මේ වන විට රටවල් 106 ක් මෙම සන්ධාන ගිවිසුමට අත්සන් තබා ඇති බවත් සඳහන් කළේය.
