දිනසේන රතුගමගේ –
ගවයෙකු ඇනීම නිසා සිය එකම පුතා මරණයට පත් වූ පුවත ඇසූ වවුනියාව නෙඩුන්කේණී මයිල්වාගනපුරම් ගම්මානයේ මවක් දැඩි කම්පනය මත ඇති වූ හෘදයාබාධයකින් ඊයේ (4) දා මියගොස් තිබේ.
වයස අවුරුදු 43 ක් වූ රාජරත්නම් කනකරාජා නැමති පුද්ගලයා ගවයින් රැළක් රැගෙන යමින් සිටියදී එක් ගවයෙකු ඇනීම නිසා ඔහුව රෝහල් ගත කොට තිබේ.
රෝහලේ ප්‍රතිකාර ලබමින් සිටින අතරවාරයේ තුවාලකරු මියගොස් ඇති අතර එම පුවත ඇසීමත් සමගම කම්පනයට පත් වූ මව බිම ඇදවැටී මරණයට පත්ව තිබේ.
දෙදෙනාගේම මළ සිරුරු දෙක නෙඩුන්කේණී මයිල්වාගනපුරම් සුසාන භූමියේදූ 6 දා සිදු කිරීමට නියමිතය.
