බ්රිතාන්ය රාජකීය පවුලේ පසුගිය දා අභාවප්රාප්ත වූ එඩින්බරෝ ආදිපාද පිලිප් කුමරුගේ අවසන් කටයුතු අප්රේල් 17 සෙනසුරාදා සවස 3 ට වින්ඩ්සර්හි ශාන්ත ජෝර්ජ් දේවස්ථානයේදී ‘පරිසර හිතකාමී’ අයුරින් පැවැත්වෙන බවට එරට වාර්තා පවසයි.
නමුත් කොරෝනා වෛරස් සීමා කිරීම් හේතුවෙන් අමුත්තන් 30 දෙනෙකුට පමණක් සහභාගී වීමට අවසර ලැබේ.
එඩින්බරෝ ආදිපාදවරයාට කෙදිනක හෝ තම අවමංගල්යය චාම් උත්සවයක් ලෙස පැවැත්වීමට අවශ්ය වී තිබූ බවට මාධ්ය වාර්තා කරයි.
එබැවින් 2002 දී මව් රැජින මෙන් පිලිප් කුමරුගේ චාරිත්රානුකූල රාජකීය අවමංගල්යයක් ලබා දෙන බව සති අන්තයේ නිවේදනය කරන ලදී.
අවමංගල්ය සේවයට පෙර වින්ඩ්සර් කාසල් හි දේහය තබා තිබෙන බව සනාථ කර ඇති නමුත් මෙය මහජනයාට විවෘත නොවේ. ඒ වෙනුවට රාජකීය රසිකයන්ගෙන් ශෝක පණිවිඩ සඳහන් කරන සමරු පොතක් අන්තර්ජාලය හරහා අත්සන් කරන ලෙස ඉල්ලා සිටී.
අවමංගල්යය කටයුතු පරිසර හිතකාමී ලෙස පැවැත්වීමට සියලු කටයුතු යොදා ඇති අතර පිලිප් කුමරු ජීවිත කාලය පුරාම පරිසරය කෙරෙහි දැක්වූ උනන්දුව එමගින් ගෞරවයට පාත්ර වනු ඇතැයි ද ප්රකාශ කෙරේ.
නවීකරණය කරන ලද ඩිෆෙන්ඩර් 130 රථය දේහය රැගෙන යාම සඳහා විශේෂයෙන් නිර්මාණය කර ඇත.
පරිසර හිතකාමී තවත් පියවරක් ලෙස, මිනීපෙට්ටිය තබන කොටස ලොම් වලින් සකස් කිරීමට සලකා බලමින් සිටින බව වාර්තා වේ.
ලොම් මිනී පෙට්ටිය තනිකරම පහසුවෙන් දිරාපත් විය හැකි ද්රව්ය වලින් සාදා ඇති අතර ශක්තිමත් ප්රතිචක්රීකරණය කළ කාඩ්බෝඩ් මගින් ශක්තිමත් කර ඇත.
මිනීපෙට්ටිය ඇතුළත රෙදි කාබනික කපුවලින් ආවරණය කර ඇති අතර දාර ගෝනි රෙදි විශේෂයකින් නිමවා ඇත.
රාජකීය පවුලට, වෙස්ට් යෝක්ෂයර්හි ලොම් මිනී පෙට්ටි නිපදවන ඒ.ඩබ්. හේන්ස්වර්ත් සමූහ ව්යාපාරය සමඟ අඛණ්ඩව මිත්රත්වයක් ඇත.
මුනුබුරා වන විලියම් කුමරු සහ හැරී ඔවුන්ගේ විවාහ මංගල්යවලදී පැළඳ සිටි හමුදා නිල ඇඳුම්ද එම ව්යාපාරය මගින් සාදන ලදී.
